مەرزىمدى قىزمەتىن اياقتاعان اسكەري قىزمەتشىلەر زاپاسقا شىعارىلۋدا
قارۋلى كۇشتەردە بەلگىلەنگەن مەرزىمدەگى اسكەري قىزمەتىن اتقارعان اسكەري قىزمەتشىلەر زاپاسقا جىبەرىلۋدە، دەپ حابارلادى Almaty-akshamy.kz. ق ر قورعانىس مينيسترلىگىنىڭ سايتىنا سىلتەمە جاساپ.
بيىل مىندەتتى اسكەري بورىشتارىن وتەگەندەردى زاپاسقا شىعارۋ 15 ماۋسىم مەن 31 شىلدە ارالىعىندا وتەدى.
سانيتارلىق-ەپيدەميولوگيالىق شارالارعا سايكەس، شىعارىپ سالۋ سالتاناتتى تۇردە وتكىزىلمەيدى، الايدا اسكەري ءداستۇرلى راسىمدەر ۇيىمداستىرىلادى. مەرزىمدى اسكەري قىزمەتتەگى اسكەري قىزمەتشىلەر بولىمدەردىڭ جاۋىنگەرلىك تۋىمەن قوشتاسىپ، الاڭدا سالتاناتتى ساپتىق شەرۋمەن ءجۇرىپ وتەدى.
جونەلتۋ كەزىندە اسكەري قىزمەتشىلەر مەديسينالىق بەتپەردەلەرمەن جانە زالالسىزداندىرۋ قۇرالدارىمەن قامتاماسىز ەتىلىپ، اسكەري وقىتىلعان رەزەرۆ رەتىندە جەرگىلىكتى باسقارۋ ورگاندارىنا ەسەپكە الىناتىن بولادى.
2020 جىلى اسكەرگە شاقىرۋ ناۋقانىنىڭ پاندەمياعا سايكەس كەيىنگە شەگەرىلۋىنە بايلانىستى ساربازداردى شىعارىپ سالۋ ماۋسىم-شىلدە ايلارىنا اۋىستىرىلدى.
