بۇگىندە 1،4 ملرد تەڭگە سوماسىنا 8 800 قارىز جانە ميكروكرەديت بويىنشا 5 مىڭنان اسا ساربازدىڭ نەسيەلىك تولەمدەرى كەيىنگە قالدىرىلعان، دەپ حابارلايدى Almaty-akshamy.kz.
ەكىنشىدەن، قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ وقۋ ورتالىقتارىندا ەكونوميكانىڭ ناقتى سەكتورىندا قاجەت اسكەري-ەسەپكە الىناتىن ماماندىقتار بويىنشا ساربازداردى دايىندايدى. ولارعا مەملەكەتتىك ۇلگىدەگى كۋالىكتەر بەرە بەرىلەدى.
ۇشىنشىدەن، قورعانىس مينيسترلىگىمەن 70-تەن استام جوعارى جانە جوعارى وقۋ ورنىنان كەيىنگى ءبىلىم بەرۋ مەكەمەلەرى بورىشىن وتەگەن ساربازدارعا ءبىلىم بەرۋ سەكتورىندا قوسىمشا جەڭىلدىكتەر بەرۋ تۋرالى كەلىسىمگە قول قويدى.
قورعانىس ۆەدومستۆوسىنىڭ وكىلى اسكەرگە شاقىرىلۋشىلارعا 1414 ءبىرىڭعاي بايلانىس ورتالىعىنىڭ جەلىسى بويىنشا SMS-حابارلامالاردىڭ، نە ءۇيىنىڭ جانە قىزمەت ورنىنىڭ مەكەنجايلارىنا جەكە شاقىرۋ قاعازدارىنىڭ كومەگىمەن جەتكىزەتىنىن حابارلادى.
«ازاماتتاردى اقىلى جاردەم كورسەتۋگە ۋادە بەرگەن ادامداردىڭ كومەگىمەن اسكەرگە شاقىرۋدى كەيىنگە قالدىرۋ نەمەسە بوساتۋ ماسەلەلەرىن شەشۋگە تىرىسۋدان ساقتاندىرعىم كەلەدى. شاقىرۋدى كەيىنگە قالدىرۋ جانە ودان بوساتۋ جونىندەگى مەملەكەتتىك قىزمەتتەر «ەلەكتروندىق ۇكىمەت» پورتالى ارقىلى اۆتوماتتى تۇردە كورسەتىلەتىن بولادى»، - دەدى باۋىرجان ارتىقوۆ.
سونىمەن قاتار ول وڭىرلەردە قورعانىس ىستەرى جونىندەگى دەپارتامەنتتەرىنىڭ جانىندا «قارۋلى كۇشتەر – ادالدىق الاڭى» جوبالىق كەڭسەلەرىنىڭ سەنىم تەلەفوندارى جۇمىس ىستەيتىنىن ەسكە سالدى. جۇزبە-جۇز كەزدەسۋدەن باسقا، ەلەكتروندىق پوشتا جاشىكتەرى مەن الەۋمەتتىك جەلىلەردەگى رەسمي اككاۋنتتار ارقىلى كەڭەس الا الۋعا بولاتىندىعىن اتاپ ءوتتى. .