تالدىقورعان قالاسىنداعى دەسانتتىق-شابۋىلداۋ بريگاداسىنىڭ اسكەري قىزمەتشىلەرى 800 مەتر بيىكتىكتەن پاراشيۋتپەن سەكىرۋدى ورىندادى، دەپ حابارلايدى aqshamnews.kz
ءبولىم كومانديرىنىڭ اۋە-دەسانتتىق دايىندىق جونىندەگى ورىنباسارى پودپولكوۆنيك دانيار سىدىقوۆ اتاپ وتكەندەي، پاراشيۋتپەن سەكىرۋ دەسانتتىق-شابۋىلداۋ بولىمشەلەرىنىڭ جاۋىنگەرلىك دايارلىق باعدارلاماسىنا كىرەدى.
– سەكىرۋگە جىبەرىلگەن بارلىق اسكەري قىزمەتشىلەر الدىن الا دايىندىقتان ءوتتى. ءپاراشيۋتتى رەتكە كەلتىرۋ، اۋەدەگى جانە قونۋ كەزىندەگى ءىس-قيمىلداردى ەگجەي-تەگجەيلى زەردەلەدى، – دەدى پودپولكوۆنيك د. سىدىقوۆ.
ارنايى اۋە-دەسانتتىق كەشەنىندە جاتتىققان دەسانتشىلاردىڭ مورالدىق-پسيحولوگيالىق جاعدايىن پسيحولوگتار باعالادى.
– مي-17 تىكۇشاعىنىڭ بورتىندا بىرلەسە تولقىپ، بىرەسە بويىمدى ماقتانىش سەزىمى كەرنەدى. پاراشيۋتپەن سەكىرگەندە ءوزىمدى ناعىز دەسانتشى سەزىندىم. بۇل بيىكتىكتەن تومەنگە قۇلديلاۋ ءساتىن ەشقاشان ۇمىتپايتىن شىعارمىن، – دەدى كىشى سەرجانت ەرجان لۇقپان.
پاراشيۋتپەن سەكىرۋ – اۋە-دەسانتتىق دايىندىعىنىڭ ەڭ كۇردەلى ءارى جاۋاپتى كەزەڭى. ونىڭ ءساتتى ورىندالۋى جوعارى شەبەرلىكتى، نۇسقاۋلىق ەرەجەلەرىن بۇلجىتپاي ساقتاۋدى، باتىلدىقتى قاجەت ەتەدى.