«ادىلەتتى قازاقستان – ادال ازامات» ۇلتتىق قۇرىلتايىنىڭ ەكىنشى وتىرىسىندا قاسىم-جومارت توقايەۆ وسىناۋ تاريحي دامۋ كەزەڭىندەگى يدەولوگيالىق جۇمىستاردىڭ نەگىزگى باعىتتارىن اتاپ كورسەتتى.
مەملەكەت باسشىسى مادەني مۇرانى ساقتاۋ مەن ناسيحاتتاۋ، وسكەلەڭ ۇرپاقتى تاربيەلەۋ ماسەلەلەرىنە كەڭىنەن توقتالدى. ۇلتتىق يدەولوگيانى قالىپتاستىرۋدىڭ ءتيىمدى قۇرالىنىڭ ءبىرى – كىتاپ شىعارۋ ىسىمەن تىعىز بايلانىستى ەكەندىگىن باسا ايتتى.
قاسىم-جومارت توقايەۆ بىزدە باسقا ەلدەردىڭ شەتەلدىك ونىمدەرى باسىم ەكەندىگىنە – ادەبي كىتاپتاردىڭ 90 پايىزعا جۋىعى سىرتتان كەلەدى. بۇل ءۇردىستىڭ سالدارى قانداي بولاتىنى ايتپاسا دا تۇسىنىكتى. پرەزيدەنت: «ۇلتتىق مۇددەگە ساي كەلەتىن كىتاپتاردى كوپتەپ باسىپ شىعارۋ وتە ماڭىزدى. سمارتفون بالانىڭ قولىنداعى كىتاپتىڭ ورنىن باسپاۋى قاجەت»، - دەپ اتاپ كورسەتتى. مەملەكەت باسشىسىنىڭ ايتۋىنشا، بۇگىندە ەلىمىزدىڭ مەكتەپ كىتاپحانالارىندا 130 ميلليون كىتاپ بار. الايدا ولاردىڭ اراسىندا كوركەم ادەبيەتتىڭ ۇلەسى شامالى.
مەن پرەزيدەنتتىڭ «كىتاپ وقيتىن حالىق قانا ناعىز زيالى بولا الادى»،- دەگەن پىكىرىنە تولىق قوسىلامىن. سوندىقتان مەن جانە ارىپتەستەرىم وسكەلەڭ ۇرپاقتىڭ كىتاپ وقۋعا دەگەن قىزىعۋشىلىعىن وياتۋعا بار كۇش-جىگەرىمىزدى سالامىز.
جازۋشىلار وداعى «بالالار كىتاپحاناسى» جاڭا باعدارلاماسىن جۇزەگە اسىرۋعا ۇلەس قوسۋعا ءازىر. قازاق ادەبيەتىنىڭ ءتۇرلى كەزەڭدەرى مەن جانرلارىن قامتيتىن كىتاپتاردىڭ ارنايى ءتىزىمىن جاساۋعا بەلسەنە اتسالىسۋعا دايىنبىز.
مەملەكەت باسشىسىنىڭ تاۋلىك بويى جۇمىس ىستەيتىن پرەزيدەنتتىك كىتاپحانانى سالۋ تۋرالى ۇسىنىسى دا جازۋشىلار قاۋىمىنان قولداۋ تاپتى. بۇل كىتاپتاردى قولجەتىمدى ەتەدى جانە قوعامدا كىتاپ وقۋعا دەگەن قىزىعۋشىلىقتى وياتۋعا كومەكتەسەدى.
قاسىم-جومارت كەمەل ۇلى توقايەۆ قازاقستان جازۋشىلار وداعىنىڭ ۇلتتىق يدەولوگيا مەن جاڭا قوعامدىق ەتيكانى قالىپتاستىرۋ، سونىڭ ىشىندە كىتاپ وقيتىن ۇلتتى دامىتۋ سياقتى ماڭىزدى ىستەرگە بەلسەنە اتسالىسۋى كەرەكتىگىنە نازار اۋداردى.
بۇل ماسەلەلەردە ءبىز مەملەكەت باسشىسىمەن تولىق ىنتىماقتاسامىز. قازاق ادەبيەتىنىڭ دامۋىنا ۇدايى قولداۋ كورسەتىپ جۇرگەنى ءۇشىن وداق اتىنان جانە جەكە ءوز اتىمنان العىس ايتامىن. زاماناۋي اۆتورلاردىڭ شىعارمالارى سۇرانىسقا يە جانە سۇرانىسقا يە بولۋى كەرەك، سورەگە شاڭ جيناماۋى ءتيىس. بۇل ماسەلە بويىنشا دا جۇمىس ىستەيتىن بولامىز.
سونداي-اق، مەملەكەت باسشىسى وقىرمانداردى رۋحاني ازىق بەرە الاتىن تىڭ تۋىندىلار كۇتىپ تۇرعانىن قاداپ ايتتى. «قازاقستاننىڭ حالىق جازۋشىسى» اتاعىنىڭ قايتارىلۋى جازۋشىلار وداعىنىڭ جۇمىسىنا جاڭا سەرپىن بەرەتىنىنە سەنىمدىمىن. بۇل جوعارى باعا وزەكتى، قىزىقتى، تانىمال تۋىندىلار جاساعان اۆتورلارعا عانا بەرىلەدى.
پرەزيدەنت ۇسىنعان باستامالار – قوعامنىڭ بارلىق كۇشى جۇمىلدىرىلۋى ءتيىس ۇلكەن جۇمىستىڭ ءبىر پاراسى عانا. شىعارماشىلىق زيالى قاۋىم، جازۋشى قاۋىم وكىلدەرى بولىپ جاتقان تاريحي وزگەرىستەردەن شەت قالماۋى كەرەك. ءبىز ادىلەتتى قازاقستاندى قۇرۋعا قاتىسۋ ىسىندەگى جوعارى جاۋاپكەرشىلىكتى تۇسىنەمىز.
جازۋشىلار وداعى جاڭا قوعامدىق ادەپ پەن جاڭا دامۋ پاراديگماسىن قالىپتاستىرۋ ماسەلەلەرىن شەشۋگە بەلسەنە اتسالىساتىن بولادى.