جولداۋ – بۇل پرەزيدەنتتىڭ حالىقپەن قارىم-قاتىناسىنىڭ ەرەكشە فورماتى. جولداۋدا الداعى وزگەرىستەردىڭ ماڭىزى كورسەتىلگەن. ۇكىمەت پەن پارلامەنتتىڭ الدىنا ادىلەتتى قازاقستاننىڭ ەكونوميكاسىن تۇزەتۋ بويىنشا ماقساتتار مەن مىندەتتەر قويىلدى. بارلىق باستامالار ەگجەي-تەگجەيلى ەسەپتەۋلەر مەن زەرتتەۋلەرگە نەگىزدەلىپ جاسالعان.
بۇگىن مەملەكەت باسشىسى قوعامنىڭ سۇرانىستارىنا جاناشىرلىقپەن قارايتىنىن تاعى دا كورسەتتى. ماسەلەن، اتوم ەلەكتر ستانسيالارىن سالۋ جانە وسكەلەڭ ۇرپاقتىڭ مۇددەلەرى مەن قاۋىپسىزدىگىن قورعاۋ، باسقا دا ماڭىزدى تاقىرىپتار بويىنشا جالپىۇلتتىق رەفەرەندۋم وتكىزۋ سياقتى شەشىمدەرىنەن كورىنىس تابادى.
بيىل پارلامەنت پالاتالارىنىڭ بىرلەسكەن وتىرىسىنا ءماجىلىس جانە سەنات دەپۋتاتتارى، ورتالىق مەملەكەتتىك ورگانداردىڭ باسشىلارى، ادام قۇقىقتارى جونىندەگى كوميسسيا، ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەلەرىمەن قاتار ەڭبەك ۇجىمدارىنىڭ وكىلدەرى قاتىستى. پرەزيدەنت وسىلاي مەملەكەت ومىرىنە قوعامنىڭ بارلىق وكىلدەرى ارالاسۋ كەرەكتىگىن جەتكىزدى.
ەكونوميكا ماسەلەلەرىن شەشۋمەن جانە ساياسي، مەملەكەتتىك قۇرىلىمدى قايتا قۇرۋمەن ءتيىستى مينيسترلىكتەر مەن ۆەدومستۆولاردىڭ ماماندارى اينالىسادى. ءبىزدىڭ مىندەتىمىز – ۇلتتىڭ بەرىك جاڭا ساپاسىن قالىپتاستىرۋ بويىنشا جۇمىس جاساۋ. قازاقستان جازۋشىلار وداعى وتاندىق ادەبيەتتى دامىتۋ، اقىندار مەن جازۋشىلاردى قولداۋ، ولاردىڭ شىعارماشىلىعىن ءوسىرۋ جانە كىتاپ شىعارۋ بويىنشا ءبىرقاتار جوبالار ازىرلەدى.
ءبىز وسكەلەڭ ۇرپاقتىڭ وقۋعا دەگەن قىزىعۋشىلىعىن دامىتۋعا ەرەكشە نازار اۋداردىق. قازاق ادەبيەتىنە دەگەن سۇيىسپەنشىلىكتى وياتۋ ءۇشىن مەكتەپتەردە جۇيەلى تۇردە «ادەبي ساعاتتاردى» وتكىزۋدى ۇسىنامىز. جازۋشىلار مەن اقىندار بالالاردى شىعارماشىلىق ۇدەرىسپەن، يدەيا ىزدەۋمەن تانىستىرادى، ءبىزدىڭ تانىمال جانە جاڭا باستاعان اۆتورلارىمىزدىڭ ءومىرى مەن شىعارماشىلىعى تۋرالى اڭگىمەلەيدى.
باستى ماقسات بالالاردى – وتانسۇيگىشتىككە، بىلىمدىلىككە، ەڭبەكقورلىققا، تارتىپكە، جاۋاپكەرشىلىككە، ادىلدىككە، ۇنەمشىلدىككە جانە جاۋاپتىلىققا تاربيەلەۋ. وسى ماڭىزدى قاسيەتتەردى ادەبيەتشىلەردىڭ ەڭبەكتەرى ارقىلى تۇلعانىڭ بويىنا ءسىڭىرۋ كەرەك.
بۇل تۋرالى بۇگىن مەملەكەت باسشىسى، ازاماتتار، اسىرەسە جاستار، ەڭ جاقسى قاسيەتتەردى قامتۋى ءتيىس – بۇدان قوعام قۇندىلىقتارىنىڭ ءبىرتۇتاس جۇيەسى قالىپتاسىپ وتىرعانىن اتاپ ايتتى.
پرەزيدەنت ادىلەتتى قازاقستاندى قۇرۋ ءۇشىن تەك ساياسي جانە ەكونوميكالىق رەفورمالار جەتكىلىكسىز ەكەنىن اتاپ ءوتتى. بىرىنشىدەن، ازاماتتاردىڭ قوعامدىق ساناسى مەن كوزقاراسىن وزگەرتۋ قاجەت، ونسىز قالعان بارلىق جۇمىس بەكەر بولارى انىق. بۇل ابايدىڭ «تولىق ادام» تۋرالى ىلىمىنەن باستاۋ الاتىن «ادال ازامات» تۇجىرىمداماسىنىڭ تەرەڭ ماعىناسى.
ءبىزدىڭ ءارقايسىمىز اتا-بابالارىمىزدىڭ باعا جەتپەس مۇراسى – تۋعان جەرىمىزدى قورعاۋ مەن وركەندەتۋدى قامتاماسىز ەتۋ تۋرالى ۇندەۋگە جاۋاپ بەرۋىمىز كەرەك. بۇل ءبىزدىڭ قاسيەتتى مىندەتىمىز. ورتاق ماقساتقا جەتۋ ءۇشىن قولدان كەلگەننىڭ ءبارىن جاساپ، ەلىمىزدى مىقتى ءارى تابىستى ەتۋ ءۇشىن اركىم وزىنە ۇلكەن جاۋاپكەرشىلىك ارتۋى كەرەك.