الماتى وبلىسىندا مەرەيتويلىق داتالارعا دايىندىق ءجۇرىپ جاتىر
الماتى وبلىسىندا مەرەيتويلىق داتالارعا بايلانىستى جىر الىبى جامبىل جابايەۆ پەن مۇقاعالي ماقاتايەۆ، سول سياقتى مەملەكەت قايراتكەرى دىنمۇحاممەد قونايەۆ بەينەلەنگەن مۋرالدار پايدا بولدى. سۋرەتتەر ەڭبەكشىقازاق اۋدانى ەسىك قالاسىنداعى كوپ قاباتتى ۇيلەردىڭ قابىرعالارىنا سالىندى، - دەپ حابارلايدى Almaty-akshamy.kz. الماتى وبلىسى اكىمىنىڭ باسپا ءسوز قىزمەتىنىڭ حابارىنا سىلتەمە جاساپ.
اۋدان اكىمدىگىنىڭ مالىمەتى بويىنشا، اكسيا ەل تاۋەلسىزدىگىنىڭ 30 جىلدىعىنا، ج.جابايەۆتىڭ 175 جىلدىعى مەن م.ماقاتايەۆتىڭ 90 جىلدىعىنا ارنالىپ وتىر. مۋرالدار قازاق تاريحىندا سۇبەلى ەڭبەگى بار تۇلعالاردى ەل جادىندا جاڭعىرتۋ ماقساتىندا سالىندى.
بۇل شىعارماشىلىق جۇمىستى بۇعان دەيىن الماتى وبلىسى مەن الماتى قالاسىندا ءۇي قابىرعالارىنا 50-دەن استام بەينەلەر سالعان سۋرەتشى الەكساندر رومانوۆ ورىندادى. ول - ويشىل اقىن اباي قۇنانباي ۇلىنىڭ، حان باتىرى اتانعان قابانبايدىڭ مۋرالدارىن بوياۋىمەن بەينەلەگەن تانىمال سۋرەتشى. بۇل سۋرەتتەر الماتى وبلىسى ءۇشارال قالاسىنداعى كوپ قاباتتى ۇيلەردىڭ قابىرعالارىنان كورىنىس تاپقان. ەندى ەڭبەكشىقازاق اۋدانىنىڭ اكىمى ءا.جاقانبايەۆتىڭ قولداۋىمەن قىلقالام شەبەرىنىڭ كوشەدەگى سۋرەتتەرى ەسىك قالاسىنىڭ بيىك ۇيلەرىنىڭ قابىرعاسىنا كورىك بەرىپ تۇر.
اتاپ وتسەك، قابىرعاداعى سۋرەتتەرگە شەبەر 265 ساعاتىن جانە 60 كگ بوياۋ جۇمساعان.