ءار ەلدىڭ بايتاق جەرى، كوك اسپانى، تاريحى، وتكەنى مەن بولاشاعى بار. ءبىز قازاق ەلى وسىنىڭ بارلىعىمەن ماقتانا الامىز. حالقىمىز: "اركىمنىڭ تۋعان جەرى - مىسىر شاھارى" دەگەندەي، ونىڭ ءار تاۋ-تاسى، وزەن-كولى مەن نۋ-توعايى، اسەم قالالارى جانىمىزعا ەڭ جاقىن، ەڭ ىستىق. ۇلكەن قالالاردا ءبىلىم الىپ، قىزمەت جاساپ، ارمان قۋىپ جۇرگەن جاستاردىڭ بولاشاققا دەگەن ۇمىتتەرى زور. 2025 جىل «جۇمىسشى ماماندىقتار جىلى» دەپ جاريالاندى.
پرەزيدەنت ءتيىستى جارلىققا قول قويدى. باستاما جۇمىسشى ماماندىقتاردى دارىپتەۋ ارقىلى قوعامدا ەڭبەكقور جانە ناعىز مامان بولىپ قالىپتاسۋ يدەياسىن ناسيحاتتاۋدى كوزدەيدى. ەءلىمىزدىڭ ەكونوميكاسىنىڭ تۇراقتى دامۋىندا جۇمىسشى مامانداردىڭ ۇلەسى وراسان زور. ەلدىڭ وندىرىستىك، قۇرىلىس، اۋىل شارۋاشىلىعى جانە كولىك سالالارى ءدال وسى مامانداردىڭ بىلىكتىلىگى مەن ەڭبەگىنە سۇيەنەدى. شيكىزات ءوندىرىسى مەن وڭدەۋ ونەركاسىبى، ەنەرگەتيكا، ينفراقۇرىلىمدىق جوبالار جۇمىسشى ماماندىقتارىسىز مۇمكىن ەمەس. وسى ورايدا الماتى ەنەرگەتيكا جانە ەلەكتروندى تەحنولوگيالار كوللەدجى جاستارىنىڭ دا قوسىپ جاتقان ۇلەسى از ەمەس. «جۇمىسشى ماماندار» جىلىنىڭ جاريالانۋى ەل ىشىندە ۇلكەن قولداۋعا يە بولدى. قوعام وكىلدەرى، كاسىپورىن باسشىلارى، سالالىق قاۋىمداستىقتار مەن جاستار بۇل باستامانى قۇپتاپ وتىر. اسىرەسە، كوللەدجىمىزدە ءبىلىم الىپ جاتقان ستۋدەنتتەرىمىزدىڭ وزدەرى تاڭداعان ماماندىقتارىنا دەگەن قىزىعۋشىلىعىنىڭ ارتۋى، بولاشاق مامانداردىڭ ساپالى جۇمىسشى بولۋىنا وڭ ناتيجە بەرمەك.
ءار جىل تاريحتىڭ جاڭا پاراعىن اشىپ، الەمدىك جانە ۇلتتىق دەڭگەيدە ماڭىزدى وقيعالاردى ەسكە تۇسىرۋگە مۇمكىندىك بەرەدى. 2025 جىل – جاھاندىق تاريح پەن مادەنيەت ءۇشىن ەرەكشە جىل، سەبەبى ءبىرقاتار ءىرى تاريحي وقيعالاردىڭ، ۇلى تۇلعالاردىڭ مەرەيتويلارى مەن قوعام ءۇشىن ماڭىزدى كۇندەر ەسكەرىلدى. بۇگىنگى كۇندە كوللەدج ۇجىمى «رەسپۋبليكا كۇنىنىڭ» 25 جىلدىعىن قالا كولەمىندە اتاپ ءوتتى. ءىس-شاراعا الماتى قالاسى ءبىلىم باسقارماسىنان جۇماعۇلوۆا گۇلحان ءالىمحان قىزى جانە ناۋرىزباي اۋدانى كوللەدجدەرىنەن ديرەكتوردىڭ تاربيە ءىسى جونىندەگى ورىنباسارلارى قاتىستى. ءىس-شارا تاقىرىپتى تەرەڭنەن قوزعادى. ەءلىم دەپ ەڭىرەگەن حان، باتىرلارمەن باستالىپ، 21 عاسىرعا دەيىنگى قازاق جەرىندە بولعان بارلىق وقيعا قامتىلدى. ءوزىمىز ءۇشىن دە، جاستار ءۇشىن دە جۇرەكتى تەبىرەنتەر، پاتريوتتىق رۋحتى وياتار كەش بولدى.
الماتى ەنەرگەتيكا جانە جاڭا تەحنولوگيالار كوللەدجى
ديرەكتوردىڭ تاربيە ءىسى جونىندەگى ورىنباسارى
مۇحتار مەيىرجان ايبول ۇلى