جاڭا تۋعان قىزىنا ChatGPT چات-بوتىنىڭ قۇرمەتىنە "چات ييپيتي باستيداس گەررا" دەپ ات قويعان وتباسى مۇنى "جاڭا تەحنولوگيالار مەن جاساندى ينتەللەكت داۋىرىنە قۇرمەت" دەپ تۇسىندىرەدى، دەپ حابارلايدى aqshamnews.kz
ۇلتتىق احات ورگانى مۇنداي ەرەكشە ەسىمدى ەش قارسىلىقسىز تىركەگەن. الەم جۇرتشىلىعىن ەلەڭ ەتكىزگەن جايت كولۋمبيانىڭ كىشى سەرەتە قالاسىندا تىركەلگەن.
كوردوۆا دەپارتامەنتىنە قاراستى كىشى سەرەتە قالاسىنداعى كولۋمبيالىق وتباسىنىڭ بۇل شەشىمى جەرگىلىكتى باق-تان بولەك، جەر-جاھاننىڭ تۇكپىر-تۇكپىرىنە تەز تارالىپ، قوعامدا پىكىرتالاس تۋدىرعان.
كوپتەگەن قولدانۋشى بۇل ەسىمنىڭ بولاشاقتا بالاعا اۋىر بولاتىنىن، قيىندىق تۋدىرۋى مۇمكىن ەكەنىن ايتقان.
ەندى ءبىرى اتا-انانىڭ شەشىمىن قۇپتاپ، شىنىندا ەرەكشە ەسىم ەكەنىن قوشتاعان.
ايتا كەتەيىك، كولۋمبيا زاڭى بەلگىلى ءبىر ەسىمدەرگە تىيىم سالماسا دا، ۇلتتىق رەەستر قىزمەتكەرلەرى تاڭدالعان ەسىم قورلاۋ نەمەسە بالانىڭ بەدەلىنە نۇقسان كەلتىرۋى ىقتيمال دەپ ەسەپتەسە، تىركەۋدەن باس تارتۋعا قۇقىلى سانالادى.