ەلوردانىڭ ەڭ ۇلكەن تۋى جىلىنا 3 رەت اۋىستىرىلادى، دەپ حابارلايدى Almaty-akshamy.kz.
24.kz مالىمەتى بويىنشا، بايراق اتامەكەن ەتنو-مەموريالدىق كەشەنىنىڭ اۋماعىندا ورنالاسقان. ونىڭ كولەمى – 450 شارشى مەتر. مەملەكەتتىك ءرامىز مۇندا 14 جىل بۇرىن قويىلعان. ونى استانانىڭ كەز كەلگەن جەرىنەن كورۋگە بولادى. ال ەندى وسى ەلدىڭ ەڭ ۇلكەن سيمۆولىنىڭ كۇتىمى قانداي؟ بۇل كوك بايراقتىڭ سالماعى 90 كەلىدەي. مامانداردىڭ ايتۋىنشا، جالاۋدىڭ ءار بۇرىشى ابدەن ولشەنىپ، بارلىق تالاپ قاتاڭ ساقتالعان. تۋ جاقىن كۇندەرى ەلوردا اسپانىندا جەلبىرەيدى. ەرلان ساتجانوۆ بىرنەشە جىلدان بەرى مەملەكەتتىك رامىزدەردىڭ كۇتىمىمەن اينالىسادى. وسى جىلدار ىشىندە ول بۇل ءىستىڭ قىر-سىرىن ءبىلىپ، وزىق ادىستەرىن مەڭگەرگەن.
- تۋدىڭ ماتاسى 100% پوليەفيرنوي ماتا دەيدى. ولشەمى – 15ح30. بىزدە ارنايى اپپارات بار، مورمەن باسىپ شىعارىلادى. سول ماتاعا باستىرىلىپ، ءبىزدىڭ سەحتا تىگىلەدى، دەيدى كۇتىم جاساۋ كومپانياسىنىڭ ديرەكتورى ەرلان ساتجانوۆ.
سارىارقانىڭ اۋا رايى تۇراقسىز بولعاندىقتان، تۋدى كۇتىپ ۇستاۋدىڭ دا ءوز ماشاقاتى بار. ونى سىرتىنان كۇن قۇرعاتپاي ۇنەمى باقىلاپ وتىرۋ قاجەت. سينوپتيكتەردىڭ دە بولجامىنا ءجيى قۇلاق اسۋ كەرەك. جەلدى كۇندەرى تۋدى تۇعىرىنان تومەن تۇسىرۋگە تۋرا كەلەدى.
- سينوپتيكتەردەن قاراپ وتىرامىز جەلدىڭ باعىتىن. جەلدىڭ باعىتى كوتەرىلە باستاعاندا، ءبىز ونى ۇسىرەمىز. سوسىن جاۋىن-شاشىندا تۇسىرەمىز. سەبەبى ماتا وتە اۋىر، جىرتىلىپ قالادى. جىرتىلىپ قالعان جاعدايدا قالپىنا كەلتىرۋگە جىبەرەمىز. تۋ ءارقاشان كوتەرەلىپ تۇرادى، تۇسىرمەۋگە تىرىسامىز. تابيعا جەل-جاۋىن شاشىن بولىپ كەتپەسە، -دەيدى كۇتىم جاساۋ كومپانياسىنىڭ ديرەكتورى ەرلان ساتجانوۆ.
ءقازىر مەكەمە قىزمەتكەرلەرى مەملەكەتتىك رامىزدەر كۇنىنە قىزۋ دايىندىقتى باستاپ كەتتى. ەرتەڭ ءداستۇر بويىنشا استانانىڭ باستى تۋى 111 مەتر جوعارىعا كوتەرىلىپ، مەرەكەلىك ەستافەتا ەلدىڭ باسقا قالالارىنا جولدانادى.