مەملەكەتتىك قىزمەتتە قاعازباستىلىق ازايادى

eGov-تا 800 مىڭعا جۋىق قىزمەتكە باعالاۋ جۇرگىزىلدى.

بۇل تۋرالى بۇگىن ۇكىمەت وتىرىسىندا سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى Almaty-akshamy.kz  Elorda.info  cىلتەمە جاساپ.

«مەملەكەتتىك اپپاراتتىڭ قۇجات اينالىمىن قىسقارتۋ ماقساتىندا، «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس، مەملەكەتتىك قىزمەتشىلەرگە پلانشەتتەر تاراتۋدامىز. الداعى ۋاقىتتا 450 پلانشەت قوسىمشا بەرىلەتىن بولادى»، - دەدى مينيستر.

سونداي-اق باعدات مۋسين Smart Bridge ارقىلى ينتەگراسيالار وڭاي جۇرگىزىلىپ جاتقانىن ايتتى.

«مەملەكەتتىڭ ازاماتتارمەن قاتىناسىن سيفرلىق قۇرالدارعا كوشىرۋ قولعا الىندى. مىسالى، e-Otinish پلاتفورماسى ءوزىنىڭ تيىمدىلىگىن راستادى. بۇگىن اكىمشىلىك سوتقا وتىنىشتەردى وڭاي بەرۋ ءۇشىن جوعارعى سوتپەن ينتەگراسيا جۇرگىزدىك. مەملەكەتتىك قىزمەتتەردىڭ ساپاسى بويىنشا حالىقتان كەرى بايلانىس الىنۋدا. مىسالى، ءبىز eGov-تا 800 مىڭعا جۋىق قىزمەتكە باعالاۋ جۇرگىزدىك. جاساندى ينتەللەكت تەحنولوگياسىن قولدانىپ، 1414 كەڭەس بەرۋ قىزمەتىن روبوتتاندىرۋ بويىنشا پيلوتتىق جوبا ىسكە اسىرىلۋدا»، - دەدى ب.مۋسين.