قازىرگى كەزدە مەملەكەتتىك قىزمەتكەرشىلەردىڭكاسىبي قىزمەتتەگى تيىمدىلىگىنە ەرەكشە نازار اۋدارىلادى. ولاردىڭ تيىمدىلىگىن انىقتايتىنقۇرالدىڭ ءبىرى ەتيكەت نورمالارىن ساقتاۋ بولىپ تابىلادى.
قازاقستان رەسپۋبليكاسى مەملەكەتتىك قىزمەتشىلەرىنىڭ ادەپ كودەكسىنە سايكەس مەملەكەتتىك قىزمەتشىلەر مىنەز-قۇلقىنىڭ جالپى ستاندارتتارى ايقىندالعان، اتاپ ايتقاندا، مەملەكەتتىك قىزمەتشىلەر:
1. قازاقستان حالقىنىڭ بىرلىگى مەن ەلدەگى ۇلتارالىق كەلىسىمدى نىعايتۋعا ىقپال ەتۋ، مەملەكەتتىك جانە باسقا تىلدەرگە، قازاقستان حالقىنىڭ سالت-داستۇرلەرىنە قۇرمەتپەن قاراۋ؛
2. ادال، ءادىل، قاراپايىم بولۋ، جالپى قابىلدانعان مورالدىق-ادەپتىلىك نورمالارىن ساقتاۋ، ازاماتتارمەن جانە ارىپتەستەرىمەن قارىم-قاتىناستا سىپايىلىق پەن ادەپتىلىك تانىتۋ؛
3. وزدەرى قابىلدايتىن شەشىمدەردىڭ زاڭدىلىعى مەن ادىلدىگىن قامتاماسىز ەتۋ؛
4. جەكە جانە زاڭدى تۇلعالاردىڭ قۇقىقتارى مەن زاڭدى مۇددەلەرىن قوزعايتىن شەشىمدەردى قابىلداۋدىڭ اشىقتىعىن قامتاماسىز ەتۋ؛
5. مەملەكەت مۇددەسىنە نۇقسان كەلتىرەتىن، مەملەكەتتىك ورگانداردىڭ جۇمىس ىستەۋ تيىمدىلىگىنە كەدەرگى جاسايتىن نەمەسە تيىمدىلىگىن تومەندەتەتىن ىس-ارەكەتتەرگە قارسى تۇرۋ؛
6. قىزمەتتىك مىندەتتەرىن ءتيىمدى اتقارۋ ءۇشىن ءوزىنىڭ كاسىبي دەڭگەيى مەن بىلىكتىلىگىن ارتتىرۋ، قازاقستان رەسپۋبليكاسىنىڭ زاڭدارىندا بەلگىلەنگەن شەكتەۋلەر مەن تىيىمداردى ساقتاۋ؛
7. ءوزىنىڭ ىس-ارەكەتىمەن جانە مىنەز-قۇلقىمەن قوعام تاراپىنان ايتىلاتىن سىنعا سەبەپكەر بولماۋ، سىناعانى ءۇشىن قۋدالاۋعا جول بەرمەۋ، ورىندى سىندى كەمشىلىكتەردى جويۋ مەن ءوزىنىڭ قىزمەتىن جاقسارتۋ ءۇشىن پايدالانۋ؛
8. جەكە سيپاتتاعى ماسەلەلەردى شەشۋ كەزىندە مەملەكەتتىك ورگانداردىڭ، ۇيىمداردىڭ، مەملەكەتتىك قىزمەتشىلەر مەن وزگە دە ادامداردىڭ قىزمەتىنە ىقپال ەتۋ ءۇشىن ءوزىنىڭ قىزمەتتىك جاعدايىن پايدالانباۋ؛
9. شىندىققا سايكەس كەلمەيتىن مالىمەتتەردى تاراتپاۋعا؛
10. مەملەكەتتىك مەنشىكتىڭ ساقتالۋىن قامتاماسىز ەتۋ، وزىنە سەنىپ تاپسىرىلعان مەملەكەتتىك مەنشىكتى، اۆتوكولىك قۇرالدارىن قوسا العاندا، ۇتىمدى، ءتيىمدى جانە تەك قىزمەتتىك ماقساتتا عانا پايدالانۋ؛
11. قىزمەتتىك ءتارتىپتى بۇلجىتپاي ساقتاۋ، ءوزىنىڭ قىزمەتتىك مىندەتتەرىن ادال، بەيتاراپ جانە ساپالى ورىنداۋ، جۇمىس ۋاقىتىن ۇتىمدى جانە ءتيىمدى پايدالانۋ؛
12. مەملەكەتتىك قىزمەتتەردى تۇتىنۋشى رەتىندە حالىقتىڭ سۇرانىسىنا تولىقتاي بەيىمدەلە وتىرىپ، كورسەتىلەتىن مەملەكەتتىك قىزمەتتەردىڭ ساپاسىن ارتتىرۋ بويىنشا تۇراقتى نەگىزدە شارالار قابىلداۋ؛
13. جاساعانى ءۇشىن زاڭنامادا تارتىپتىك، اكىمشىلىك نەمەسە قىلمىستىق جاۋاپتىلىق كوزدەلگەن قۇقىق بۇزۋشىلىقتار مەن تەرىس قىلىقتاردى جاساۋعا جول بەرمەۋگە؛
14. ىسكەرلىك ادەپتى جانە رەسمي مىنەز-قۇلىق قاعيدالارىن ساقتاۋ.
كورسەتىلگەن تالاپتاردى كۇندەلىكتى جۇمىستا تالاپ-ۇستانىم رەتىندە قولدانۋ، ءوزىنىڭ لاۋازىمدىق مىندەتتەرىن ورىنداۋ ءار مەملەكەتتىك قىزمەتشىلەردىڭ پارىزى ەكەنى جانە حالىق اراسىندا مەملەكەتتىك اپپاراتتىڭ بەدەلىن ارتتىراتىنى ءسوزسىز ايقىن بولىپ تابىلادى.