مەملەكەتتىك قىزمەتكەرلەر جۇمىسقا ۇلتتىق كيىممەن كەلە باستادى

قازاقىلىقتىڭ قايماعى بۇزىلماعان ءوڭىر

سولتۇستىك قازاقستان وبلىسىندا مەملەكەتتىك قىزمەتشىلەر جۇمىسقا ۇلتتىق كيىم كيە باستادى، دەپ حابارلايدى Almaty-akshamy.kz 24.kz-كە سىلتەمە جاساپ. 

ۇلىستىڭ ۇلى كۇنى – ءاز ناۋرىز مەرەكەسىنە وراي وڭىردە ارنايى چەللەندج ۇيىمداستارىلدى. تىڭ باستامانى اكىمدىكتەگىلەردەن بولەك، باسقارما، ءتىپتى اۋداندارداعى ءتۇرلى ءبولىم ماماندارى دا قولداي كەتكەن. ياعني ولار كلاسسيكالىق فورمانى قازاقى ناقىشتاعى ۇلگىگە الماستىرىپ وتىر. قىز-كەلىنشەكتەر قامزول، بەشپەنت كيسە، ەر ازاماتتار كاستيۋمدەرىن شاپانعا اۋىستىردى. اتالعان اسياعا وزگە ۇلت وكىلدەرى دە ءۇن قوستى. وسىلايشا ولار سولتۇستىك قازاقستاننىڭ قازاقىلىقتىڭ قايماعى بۇزىلماعان ءوڭىر ەكەنىن تاعى ءبىر مارتە پاش ەتتى.

«سولتۇستىك قازاقستان وبلىسىنىڭ اكىمشىلىگىنىڭ اپپاراتى، اۋدان اكىمشىلىكتەرى، اۋىلدىق وكرۋگتەردەگى اكىمشىلىكتەردە - بارلىق جەردە وسى كۇنى ارنايى چەللەندج باستاپ، ۇلتتىق كيىمدەردى كيىپ، سالت-داستۇرلەرىمىزدى جاڭاشا قۇلپىرتىپ، سونداي ءبىر شارا جاساپ جاتىرمىز. مەملەكەتتىك قىزمەتشىلەرگە ۇلتتىق ناقىشتاعى كيىمدى كيۋگە ەشقانداي شەكتەۋلەر جوق. قايتا بۇل ءسالت-داستۇرىمىزدىڭ جالعاسى بولىپ ەسەپتەلەدى»، - دەدى سقو اكىمى اپپاراتىنىڭ ادەپ جونىندەگى ۋاكىلى سەيىلحان سەرىكبايەۆ.