ەلوردادا مەملەكەتتىك قىزمەت ىستەرى اگەنتتىگىنىڭ باستاماسىمەن جانە استانا مەملەكەتتىك قىزمەت حابىنىڭ قولداۋىمەن «مەملەكەتتىك قىزمەتتەگى HR: پەرسونالدى ستراتەگيالىق باسقارۋعا كوشۋ» فورۋمى باستالدى.
اگەنتتىك ءتوراعاسى دارحان جازىقبايەۆ ءوز سوزىندە قازاقستاندا جۇرگىزىلىپ جاتقان ساياسي رەفورمالار اياسىندا مەملەكەتتىك قىزمەت جۇيەسىنە جاڭا تالاپتار جۇكتەلگەنىن اتاپ ءوتتى، دەپ حابارلايدى Almaty-akshamy.kz.
«اگەنتتىك مەملەكەتتىك قىزمەتكە ەىۇد ەلدەرىندە كەڭىنەن كولدانىلاتىن HR-قۇرالدارىن ەنگىزۋ بويىنشا ءىس-شارالاردى پىسىقتاپ جاتىر. ءبىز ءۇشىن HR سالاسىنداعى جاڭا تاجىريبەنى جيناقتاۋ، سونداي-اق مەملەكەتتىك قىزمەتكە بىلىكتى مامانداردى تارتۋ وتە ماڭىزدى. اشىق، ءادىل شەشىمدەر قابىلداي الاتىن، بەلسەندى، زاماناۋي تالاپتارعا يكەمدى مەملەكەتتىك اپپاراتتى قالىپتاستىرۋدا ادام كاپيتالىنا دەن قويۋدىڭ ماڭىزى زور»، – دەدى د. جازىقبايەۆ.
«مەملەكەتتىك قىزمەت ىستەرى اگەنتتىگىمەن مەملەكەتتىك قىزمەتكە ورنالاسۋ كونكۋرستارىنىڭ ادىلدىگىن قامتاماسىز ەتۋ ءۇشىن «ە-قىزمەت» اقپاراتتىق جۇيەسىنىڭ سىرتقى پورتالىندا مەملەكەتتىك قىزمەتكە جاڭا ىرىكتەۋ الگوريتمى ازىرلەنىپ، كونكۋرستىق ءراسىمدى وتكىزۋ فورماتى قايتا قارالدى. كونكۋرستىق ءراسىمنىڭ جاڭا فورماتى ۇمىتكەرلەرگە الدىن الا بەلگىلەنگەن ۋاقىتتا وتەتىن اڭگىمەلەسۋدەن باسقا، بارلىق كەزەڭدەردە كەز كەلگەن ۋاقىتتا جانە الەمنىڭ كەز كەلگەن جەرىنەن كونكۋرسقا قاتىسۋعا مۇمكىندىك بەرەدى»، – دەدى اگەنتتىك ءتوراعاسى.
تەستىلەۋدەن ءوتۋ قاعيدالارىن ساقتاۋ پرەزيدەنتتىك جاستار كادر رەزەرۆىنە ىرىكتەۋ بارىسىندا قولدانىلىپ، تيىمدىلىگىن كورسەتكەن پروكتورينگ جۇيەسى ارقىلى قامتاماسىز ەتىلمەك.
ونىڭ ايتۋىنشا، ازىرلەنگەن ىرىكتەۋ الگوريتمى زاڭنامانى بىلۋگە ارنالعان 4 نورماتيۆتىك-قۇقىقتىق اكتى بويىنشا تەستىلەۋدى (كونستيتۋسيا، مەملەكەتتىك قىزمەت جانە سىبايلاس جەمقورلىققا قارسى ءىس-قيمىل تۋرالى زاڭدارى، ادەپ كودەكسى)، قابىلەتتىلىك پەن قۇزىرەتتىلىكتى تەستىلەۋدى (IQ، EQ، SQ تەستىلەۋ)، باسشىلىق لاۋازىمدار ءۇشىن ەسسە جازۋدى قامتيدى. سونىمەن قاتار، سالالىق جانە تاۋەلسىز ساراپشىلاردان، HR ماماندار، ادەپ جونىندەگى ۋاكىلدەردەن تۇراتىن كونكۋرستىق كوميسسيامەن اڭگىمەلەسۋ ءتارتىبى ەسكەرىلگەن.
د. جازىقبايەۆتىڭ سوزىنە قاراعاندا، ىرىكتەۋدىڭ بۇل تاسىلدەرىن 2023 جىلى «ە-قىزمەت» اقپاراتتىق جۇيەسىندە پيلوتتىق اپروباسيادان وتكىزۋ جوسپارلانىپ وتىر.
فورۋمعا ەلىمىزدىڭ جانە شەتەلدىڭ عالىمدارى، مەملەكەتتىك ورگاندار وكىلدەرى، HR سالاسىنداعى ساراپشىلار قاتىسىپ جاتىر.
فورۋمعا ارنايى كەلگەن دەلەگاتتار مەملەكەتتىك قىزمەتتى دامىتۋداعى تاجىريبەلەرىمەن ءبولىسىپ، قازاقستاننىڭ حالىقارالىق تاجىريبەگە باعدارلانعان مەملەكەتتىك قىزمەتتى ودان ءارى جەتىلدىرۋ، ونىڭ ىشىندە HR-دى دامىتۋ جونىندەگى قادامدارىن وڭ باعالادى. قازاقستاننىڭ جانە شەت ەلدەردىڭ مەملەكەتتىك، كۆازيمەملەكەتتىك ءارى جەكە سەكتورلارىنىڭ جەتەكشى ساراپشىلارى ارنايى سەسسيالار اياسىندا مەملەكەتتىك قىزمەتشىنىڭ جاڭا بولمىسىن، HR ماماندارىن دايارلاۋدىڭ وزەكتى ماسەلەلەرىن، ءتيىمدى HR قۇرالدارىن، ادامي رەسۋرستاردى باسقارۋداعى ترەندتەر مەن سىن-قاتەرلەر، جاڭا مۇمكىندىكتەر، كوشباسشىلاردىڭ ءرولى مەن قۇندىلىقتارى تۋرالى ماسەلەلەردى ورتاعا سالدى.
فورۋمعا ەلىمىزدىڭ جانە شەتەلدىڭ عالىمدارى، مەملەكەتتىك ورگاندار وكىلدەرى، HR سالاسىنداعى ساراپشىلار قاتىسىپ جاتىر. جيىندا دەلەگاتتار مەملەكەتتىك قىزمەتتى دامىتۋداعى تاجىريبەلەرىمەن ءبولىسىپ، قازاقستاننىڭ حالىقارالىق تاجىريبەگە باعدارلانعان مەملەكەتتىك قىزمەتتى ودان ءارى جەتىلدىرۋ، ونىڭ ىشىندە HR-دى دامىتۋ جونىندەگى قادامدارىن وڭ باعالادى. قازاقستاننىڭ جانە شەت ەلدەردىڭ مەملەكەتتىك، كۆازيمەملەكەتتىك ءارى جەكە سەكتورلارىنىڭ جەتەكشى ساراپشىلارى ارنايى سەسسيالار اياسىندا مەملەكەتتىك قىزمەتشىنىڭ جاڭا بولمىسىن، HR ماماندارىن دايارلاۋدىڭ وزەكتى ماسەلەلەرىن، ءتيىمدى HR قۇرالدارىن، ادامي رەسۋرستاردى باسقارۋداعى ترەندتەر مەن سىن-قاتەرلەر، جاڭا مۇمكىندىكتەر، كوشباسشىلاردىڭ ءرولى مەن قۇندىلىقتارى تۋرالى ماسەلەلەردى ورتاعا سالدى.