ەرەسەكتەرگە ارنالعان سپەكتاكلدەر ساحنالاۋداعى تاجىريبەسى كاسىبي ماماندار تاراپىنان جوعارى باعالانىپ كەلە جاتقان تەاتر ۇجىمى بيىلعى جىلدىڭ ەكىنشى جارتىسىندا قاتارىنان ءۇش تەاتر فەستيۆالىندە ب ا ق سىناماقشى.
ونەر ورداسىنىڭ باستى ماقساتى – بالالاردى عانا ەمەس، ەرەسەكتەردى دە تىلسىمىن ىشىنە بۇككەن قۋىرشاق ونەرىنە قىزىقتىرۋ. ەندەشە، تەاتر ۇجىمى سول ميسسياسىن تەك ەلىمىزدە عانا ەمەس، شەتەلدە دە دارىپتەۋدى جولعا قويىپ وتىر. قازاق قۋىرشاق ونەرىنىڭ مۇمكىندىگىن تانىتاتىن العاشقى ونەر دوداسى حالىقارالىق ساراپشىلار مەن تەاتر سىنشىلارىنىڭ باسىن قوساتىن «تەArt – كوكشە» تەاتر فەستيۆالى بولسا، قاراعاندى قالاسىندا العاش رەت وتكىزىلگەلى وتىرعان «سىن – شىن بولسىن» رەسپۋبليكالىق تەاترلار فەستيۆالىندە دە قۋىرشاق تەاترى ەلىمىزدىڭ بىرنەشە وبلىستارىنان ساراپتالىپ الىنعان ۇزدىك قويىلىمدار قاتارىندا ب ا ق سىنايدى. اتالعان ونەر دودالارىنا ەرەسەكتەرگە ارنالعان «مەن ءبىر جۇمباق اداممىن... اباي» (رەج. ا.زايسيەۆ) جانە الەمدىك كلاسسيكا «رومەو مەن دجۋلەتتا» (رەج. د.جۇمابايەۆا) قويىلىمدارى قاتىساتىن بولادى.
وڭتۇستىك استانانىڭ مادەني دەڭگەيىن ودان ءارى ارتتىرۋ، قازاق ونەرىنىڭ الەم كەڭىستىگىندە تانىلۋىنا ىقپال ەتۋ ماقساتىندا تەاتر ۇجىمى اتتاناتىن حالىقارالىق «انكارا» قۋىرشاق تەاترلارى فەستيۆالىنىڭ دە ماڭىزى زور. اعىمداعى جىلدىڭ قازان ايىندا سالتانات قۇراتىن ونەر بايگەسى تۇركيا مەملەكەتى، انكارا قالاسىندا وتپەك. تەاتر رەپەرتۋارىنا بيىلعى جىل قوسىلعان ەرەسەكتەرگە ارنالعان «ماكبەت.يلليۋزيا» (رەج. د.جۇمابايەۆا) جانە بالالارعا ارنالعان «ۇيشىك» (رەج. ا.زايسيەۆ) قويىلىمدارى ۇسىنىلاتىن بولادى.
ەستەرىڭىزگە سالا كەتەيىك، ونەر دودالارىندا ب ا ق سىنايتىن ەرەسەكتەرگە ارنالعان سپەكتاكلدەر ءار جىلى وتاندىق جانە شەتەلدىك تەاتر فەستيۆالدەرىندە كاسىبي تەاتر سىنشىلارى تاراپىنان جوعارى باعاعا يە بولىپ، قۋىرشاق تەاترىنىڭ مۇمكىندىگىن تەرەڭ تانىتىپ كەلە جاتقان كوركەم تۋىندىلار قاتارىندا. ەندەشە، قۇپياسى مول قۋىرشاق ونەرىنىڭ كەزەكتى ساپارى ءساتتى، مەرەيى ۇستەم بولعاي!