الماتىدا قازاقستان قارۋلى كۇشتەرىنىڭ مەملەكەتتىك قۇپيالاردى قورعاۋ سالاسىنداعى ماماندارىنىڭ وقۋ-ادىستەمەلىك جيىنى اياقتالدى.
ءۇش كۇندىك جيىن ق ر قارۋلى كۇشتەرى باس شتابى مەملەكەتتىك قۇپيالاردى قورعاۋ دەپارتامەنتىنىڭ باستىعى پولكوۆنيك تيمۋر ءسادۋاقاسوۆتىڭ باسشىلىعىمەن راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ بازاسىندا ءوتتى، دەپ حابارلايدى اlmaty-akshamy.kz.
جيىنعا قاتىسۋشىلاردىڭ الدىندا قورعانىس ءمينيسترىنىڭ رەجيم بويىنشا كومەكشىسى پولكوۆنيك تالعات احمەتوۆ ءسوز سويلەدى. ءوز بايانداماسىندا ول اسكەري ماقساتتاعى اقپاراتتاندىرۋ وبەكتىلەرىندەگى ماڭىزدى مالىمەتتەردى قورعاۋ جۇيەسىن ودان ءارى جەتىلدىرۋ جانە ق ر ۇقك ۋاكىلەتتى ورگانىمەن ءوزارا تىعىز ءىس-قيمىل جاساۋ جونىندەگى نەگىزگى باعىتتاردى جەتكىزدى.
– جيىندار شەڭبەرىندە وفيسەرلەرگە كيبەرقاۋىپتەردى تانۋدىڭ جاڭا جۇيەلەرى، نىسانالى شابۋىلداردىڭ اناليزاتورلارى، ۆيرۋسقا قارسى قاۋىپسىزدىك ورتالىعى، سونداي-اق تەحنيكالىق بارلاۋعا قارسى تۇرۋعا مۇمكىندىك بەرەتىن اپپاراتتىق قۇرالدار كورسەتىلدى، – دەدى قازاقستان قارۋلى كۇشتەرى باس شتابى مەملەكەتتىك قۇپيالاردى قورعاۋ دەپارتامەنتى اقپاراتتىق قاۋىپسىزدىك باسقارماسىنىڭ باستىعى پودپولكوۆنيك عالىم جاقسىلىقوۆ.
جيىندا اسكەري قىزمەتشىلەردى دالالىق جاعدايلاردا ارنايى بايلانىس ورگاندارىن ورىستەتۋگە، قورعالعان جەرگىلىكتى ەسەپتەۋ جەلىلەرىن قۇرۋعا جانە قۇپيا بايلانىس اپپاراتۋراسىن باقىلاۋعا ۇيرەتۋ ماقساتىمەن ءبىرقاتار جۇمىس نۇكتەلەرى ۇيىمداستىرىلدى.
مەملەكەتتىك قۇپيالاردى قورعاۋ قىزمەتى باستىقتارىنىڭ قاتىسۋىمەن پروبلەمالىق ماسەلەلەر مەن ولاردى شەشۋ جولدارى تالقىلاندى.
2023 وقۋ جىلىنداعى جۇمىس قورىتىندىسى شىعارىلىپ، مەملەكەتتىك قۇپيالاردى قورعاۋ سالاسىنداعى ۇزدىك ماماندار انىقتالدى. ولاردىڭ قاتارىندا مايورلار باقىتجان سۇلەيمەنوۆ، الەكساندر ماكەدونسكيي، كاپيتان داۋرەن يساكوۆ، اعا لەيتەنانتتار دانيار احۋنبايەۆ، سىمبات امانتايەۆ، ماديار ۇكەنوۆ جانە ەرسۇلتان بولات بار.
