قازاقستان رەسپۋبليكاسىنىڭ ۇكىمەتى رەسپۋبليكالىق مەنشىكتىڭ كەيبىر ماسەلەلەرى تۋرالى قاۋلى قابىلدادى، دەپ حابارلايدى Almaty-akshamy.kz Primeminister.kz-كە سىلتەمە جاساپ.
«كولىكتىك سەرۆيس ورتالىعى» اكسيونەرلىك قوعامىنىڭ (كسو) اكسيالارى پاكەتىنىڭ 100%-ىن سىيعا تارتۋ شارتى بويىنشا رەسپۋبليكالىق مەنشىككە بەرۋ تۋرالى «تەمىر تريۋمف» ءجشس-نىڭ ۇسىنىسى قابىلدانسىن»، — دەلىنگەن قاۋلى ماتىنىندە.
«كسو» اق قازاقستانداعى 400-دەن استام تەمىرجول كىرمە جولدارىنىڭ تەڭگەرىم ۇستاۋشىسى ەكەنىن اتاپ وتكەن ءجون. سونداي-اق سىيعا تارتۋ شارتى بويىنشا «Integrity Solutions» ج ش س اقپاراتتىق-كوممۋنيكاسيالىق سالادا قىزمەت كورسەتەتىن «Soft Art» ج ش س جارعىلىق كاپيتالىنداعى قاتىسۋ ۇلەسىنىڭ 50%-ىن رەسپۋبليكالىق مەنشىككە بەرەدى. «Bridge capital investments limited» جەكە كومپانياسى مەملەكەتكە تاۋ-كەن جانە وڭدەۋ ونەركاسىبى سالالارىندا جۇمىس ىستەيتىن «اكموليت» ج ش س، «مارحيت» ج ش س، «توپاز-نس» ج ش س جارعىلىق كاپيتالدارىنداعى قاتىسۋ ۇلەستەرىنىڭ 100%-ىن بەرەدى.
«كسو» اق اكسيالارى جانە اتالعان سەرىكتەستىكتەردىڭ جارعىلىق كاپيتالدارىنداعى قاتىسۋ ۇلەستەرى «سامۇرىق-قازىنا» ۇلتتىق ءال-اۋقات قورى» اكسيونەرلىك قوعامىنىڭ ورنالاستىرىلاتىن اكسيالارىنا تولەۋگە بەرىلەدى، دەلىنگەن قاۋلىدا. قاۋلى قول قويىلعان كۇننەن باستاپ قولدانىسقا ەنگىزىلەدى.