مەملەكەتتىك مەكەمەلەردە انالارعا ارنالعان جەكە بولمە اشۋ قاجەت - ۇسىنىس

مەملەكەتتىك مەكەمە عيماراتىنان انالارعا ارنالعان جەكە بولمە اشۋ كەرەك.

بالا كۇتىمى بويىنشا ەڭبەك دەمالىسىنان جۇمىسقا ەرتە شىققان كەلىنشەكتەر، وسىنداي قولداۋعا ءزارۋ. مۇنداي ۇسىنىستى مەملەكەتتىك قىزمەت ىستەرى اگەنتتىگى جانىنداعى قوعامدىق كەڭەس ءتورايىمى ۇسىندى، دەپ حابارلايدى Almaty-akshamy.kz 24.kz-كە سىلتەمە جاساپ.

بيبىگۇل نۇراشيەۆا بۇل باستاماسىن، مەملەكەتتىك قىزمەت جۇيەسىندەگى ايەلدەردىڭ ءرولىن تالقىلاۋعا ارنالعان الاڭدا ايتتى. ەڭبەك كودەكسىنە ەنگىزىلگەن تولىقتىرۋلارعا سايكەس، بالاسى كوپ مەملەكەتتىك قىزمەتشىلەرگە قاشىقتان جۇمىس ىستەۋ مۇمكىندىگى بەرىلگەن. الايدا، بۇل تۋرالى، ەكىنىڭ ءبىرى، بىلە بەرمەيدى. بۇگىندە 83 مىڭنان استام مەملەكەتتىك قىزمەتكەردىڭ 46 مىڭنان استامى - ايەل. ال باسشىلىق لاۋازىمداعى نازىك جاندىلاردىڭ ۇلەسى 40 %-عا جۋىقتايدى. بيبىگۇل نۇراشيەۆانىڭ ايتۋىنىشا، مەملەكەتتىك قىزمەتتەگى ايەلدەردىڭ قۇن-داقتاعى ءسابيىن ەمىزۋگە جارتى ساعات، ەگەر 2-3 بالاسى بولسا، ءبىر ساعاتقا دەيىن ءۇزىلىس الۋعا قۇقى بار. تەك ەڭبەك زاڭناماسىندا بۇرىننان بار نورمانى ىسكە اسىرۋ ءۇشىن ارناۋلى بولمەلەر قاراستىرىلماعان.

«ياعني مىسالى بالا ەرتەڭ اجەسىمەن، اكەسىمەن، اتاسىمەن، مىسالى تۋىستارىمەن قالاتىن بولسا، ال اناسى جۇمىستا بولسا، ول كىسىلەر الىپ كەلىپ، نەمەسە سول جەردە بالانىڭ تاربيەشىسىمەن سول جەردە وتىرىپ، ءار ءۇش ساعات سايىن انا كەلىپ ءوزىنىڭ بالاسىن ەمىزۋگە مۇمكىندىگى بولۋ كەرەك دەپ مەن ەسەپتەيمىن. سەبەبى زاڭدا نورما بار، ەندى سونى جۇزەگە اسىرۋ ءۇشىن جاعداي جاساۋ كەرەك»، - مەملەكەتتىك قىزمەت ىستەرى اگەنتتىگى جانىنداعى قوعامدىق كەڭەس ءتوراعاسى بيبىگۇل نۇراشيەۆا.