مەملەكەتتىك كەڭەسشى ەرلان قارين تۇركسوي ۇيىمىنىڭ باس حاتشىسى سۇلتان رايەۆپەن كەزدەسۋ وتكىزدى، دەپ حابارلايدى almaty-akshamy.kz
سۇلتان رايەۆ ەرلان قارينگە بيىل قۇرىلعانىنا 30 جىل تولعان حالىقارالىق تۇركى مادەنيەتى ۇيىمنىڭ اتقارعان جۇمىستارى مەن الداعى جوسپارلارى جونىندە اقپارات بەردى.
مەملەكەتتىك كەڭەسشى وسى 30 جىل ىشىندە تۇركسوي تۇركى حالىقتارىنىڭ مادەني مۇراسىن ناسيحاتتاۋدا جانە تۇركى مەملەكەتتەرى اراسىنداعى مادەني-رۋحاني قارىم-قاتىناستاردى دامىتۋدا تولايىم تابىسقا جەتكەنىنە نازار اۋداردى.
ەرلان ءقاريننىڭ پىكىرىنشە، قازاقستاننىڭ تۇركى مەملەكەتتەرى ۇيىمىنا ءتوراعالىعى اياسىندا بەلگىلەنگەن باسىم مىندەتتەردى جۇزەگە اسىرۋ كەزىندە تۇركسوي زور ءرول اتقارادى. ۇيىمنىڭ ح ءسامميتى استانادا تابىستى ءوتتى.
تاراپتار پرەزيدەنت قاسىم-جومارت توقايەۆتىڭ باستاماسىمەن كەلەسى جىلى قازاقستاندا وتەتىن V دۇنيەجۇزىلىك كوشپەندىلەر ويىنى شەڭبەرىندە مادەني شارالاردى بىرلەسىپ ۇيىمداستىرۋ مۇمكىندىكتەرىن تالقىلادى.
كەزدەسۋ سوڭىندا ەرلان قارين مەن سۇلتان رايەۆ تۇركسوي ۇيىمى ارقىلى تۇركى بىرلىگىن دارىپتەۋگە بەيىلدى ەكەندەرىن ناقتىلادى.