قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين ەلىمىزگە جۇمىس ساپارىمەن كەلگەن وزبەكستان رەسپۋبليكاسى پرەزيدەنتىنىڭ كومەكشىسى سايدا ميرزيويەۆامەن جۇزدەستى، دەپ حابارلايدى aqshamnews.kz
كەزدەسۋدە تاراپتار مادەني-گۋمانيتارلىق سالاداعى ەكى جاقتى قارىم-قاتىناستىڭ وزەكتى ماسەلەلەرىن، سونداي-اق بىرلەسكەن جوبالاردى جۇزەگە اسىرۋ پەرسپەكتيۆاسىن تالقىلادى. مادەنيەت جانە ونەر سالاسىنداعى ىقپالداستىقتى تەرەڭدەتۋ ءارى تاجىريبە الماسۋ ماسەلەلەرىنە باسا نازار اۋدارىلدى.
ەرلان قارين قازاقستاندا جۇرگىزىلىپ جاتقان وزگەرىستەر، سونىڭ ىشىندە پرەزيدەنت قاسىم-جومارت توقايەۆتىڭ ۇلتتىق قۇرىلتايدىڭ بۋرابايدا وتكەن IV وتىرىسىندا كوتەرگەن جاڭا باستامالارى تۋرالى ايتتى.
جۇمىس ساپارى اياسىندا ەكى ەل اراسىنداعى مادەني ديالوگتى دامىتۋعا باعىتتالعان ءىس-شارالار ۇيىمداستىرىلادى. اتاپ ايتقاندا، ەرلان قارين مەن سايدا ميرزيويەۆا ءا. ناۋاي اتىنداعى وزبەكستان مەملەكەتتىك وپەرا جانە بالەت ۇلكەن تەاترىنىڭ «لازگي. جان مەن ماحاببات ءبيى» اتتى قويىلىمىن تاماشالادى.