جۇمىسكەرلەرگە 3،2 ملرد تەڭگە تولەندى.
قازاقستانداعى مەملەكەتتىك ەڭبەك ينسپەكتورلارى جالاقىسى دەپ كەزىندە الا الماي جۇرگەن ازاماتتاردىڭ قۇقىعىن قورعادى، دەپ حابارلايدى Almaty-akshamy.kz.
«اعىمداعى جىلعى 1 شىلدەدەگى جاعداي بويىنشا، مەملەكەتتىك ەڭبەك ينسپەكتورلارى رەسپۋبليكانىڭ 564 كاسىپورنىندا 14،4 مىڭ جۇمىسكەردىڭ الدىندا 3،4 ملرد تەڭگەدەن استام سوماعا جالاقى بويىنشا بەرەشەكتى انىقتادى»،– دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
مامانداردىڭ ايتۋىنشا، وسى كاسىپورىنداردىڭ باسشىلارىنا ورىندالۋى مىندەتتى 570 نۇسقاما بەرىلىپ، 64،7 ملن تەڭگەدەن استام سوماعا ايىپپۇل سالىندى.
قابىلدانعان شارالار، سونىڭ ىشىندە جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋ ناتيجەسىندە 13،2 مىڭنان استام جۇمىسكەردىڭ قۇقىقتارى قورعالعان.