ەڭبەك جانە حالىقتى الەۋمەتتىك قورعاۋ مينيسترلىگى مالىمدەۋىنشە، جۇمىسپەن قامتۋعا جاردەمدەسۋدىڭ بەلسەندى شارالارىمەن 221،7 مىڭ ادام قامتىلدى، 292،2 مىڭ قازاقستاندىق جۇمىسقا ورنالاستىرىلدى، دەپ حابارلايدى aqshamnews.kz
تاراتىلعان اقپاراتقا سۇيەنسەك، سۋبسيديالاناتىن جۇمىس ورىندارىنا مانساپ ورتالىقتارى ارقىلى 129،8 مىڭ ادام جىبەرىلدى، ونىڭ ىشىندە جۇمىسپەن قامتىلدى:
الەۋمەتتىك جۇمىس ورىندارىندا 11،5 مىڭ ادام،
جاستار پراكتيكاسىندا 9،1 مىڭ ادام،
قوعامدىق جۇمىستاردا 91،7 مىڭ ادام،
"كۇمىس جاس" جوباسى اياسىندا 14،8 مىڭ ادام،
"العاشقى جۇمىس ورنى" جوباسى بويىنشا 2،6 مىڭ ادام،
"ۇرپاقتار كەلىسىمشارتى" جوباسى شەڭبەرىندە 90 ادام.
ەڭبەك نارىعىنداعى سۇرانىسقا يە داعدىلار بويىنشا ونلاين وقىتۋمەن 48،5 مىڭ جۇمىسسىز قامتىلدى، ونىڭ ىشىندە 45،3 مىڭى وقۋدى اياقتادى.
سونداي-اق، ۆەدومستۆو قىزمەت سالاسىن تاڭداۋ ماقساتىندا كاسىپتىك ورتالىقتاردا 224،3 مىڭ ادام الەۋمەتتىك كاسىپتىك باعدارلاۋدان ءوتىپ، كەڭەس بەرۋ قىزمەتتەرىن العاندىعىن اتاپ ءوتتى.
مينيسترلىك ازاماتتاردى جۇمىسقا ورنالاستىرۋ بىرنەشە باعىت بويىنشا جۇزەگە اسىرىلاتىنىن جانە شىن مانىندە جۇمىسقا ورنالاسقاندىعى ولار ءۇشىن مىندەتتى زەينەتاقى جارنالارىنىڭ اۋدارىلۋىمەن راستالاتىنىن قوسا ايتتى.
سونىمەن قاتار، 2025 جىلى حالىقتىڭ الەۋمەتتىك وسال ساناتتارىنا جاڭا بيزنەس-باستامالاردى جۇزەگە اسىرۋ ءۇشىن 400 اەك-كە دەيىن (1 572 800 تەڭگە) 9 مىڭ گرانت بەرۋ كوزدەلگەن.
ءبىرىنشى لەكتە 4،2 مىڭ گرانت بەرىلدى.
11 تامىزدان باستاپ "Business.Enbek" پورتالىندا 2-لەككە ۇمىتكەرلەردەن وتىنىشتەردى قابىلداۋ باستالدى.