مەملەكەتكە قايتارىلعان جەرلەر كىمگە بەرىلەدى؟

رەسمي مالىمەتكە سايكەس، مەملەكەتكە 3،84 ملن. گەكتار جەر قايتارىلدى.

جىلدىڭ سوڭىنا دەيىن تاعى 1،16 ملن گەكتاردى قايتارۋ جۇمىسى اياقتالادى، دەپ حابارلايدى Almaty-akshamy.kz

اۋىل شارۋاشىلىعى ءمينيسترى ەربول قاراشوكەيەۆ مەملەكەتكە قايتارىلعان اۋىل شارۋاشىلىعى جەرلەرىن تاراتۋ ءتارتىبىن ءتۇسىندىردى.

«نەگىزى، وسى جەرلەردىڭ 90 پايىزى – جايىلىمدار، قالعانى – ەگىستىك. ءقازىر بارلىعى مەملەكەت مەنشىگىنە راسىمدەلدى. ەندى، زاڭ بويىنشا جەرگىلىكتى بيلىك - اكىمدىكتەر ونى تاراتۋدى باستايدى. ارينە، جايىلىم جەرلەرى جەتىسپەي تۇرعان شارۋالارعا باسىمدىق بەرىلەدى»، - دەدى قاراشوكەيەۆ ورتالىق كوممۋنيكاسيالار قىزمەتىندە وتكەن بريفينگتە.

ءمينيستردىڭ سوزىنە قاراعاندا، بۇگىندە رەسپۋبليكا بويىنشا جايىلىم جەرلەرىنە دەگەن قاجەتتىلىك 15 ميلليون گەكتاردى قۇراپ وتىر.

جالپى، 2023 جىلدىڭ سوڭىنا دەيىن پايدالانىلمايتىن جانە زاڭسىز بەرىلگەن 10 ملن. گەكتار اۋىل شارۋاشىلىعى جەرلەرى بويىنشا ناقتى شەشىمدەر قابىلدانادى دەگەن جوسپار بار. الايدا وسى جۇمىستى ورىنداۋ ءۇشىن قوسىمشا 200 مامان قاجەت.

الايدا تەكسەرىستەن كەيىن جەردى پايدالانۋعا كىرىسەتىن شارۋالار دا بار. ماسەلەن، ءتيىستى شارالار قابىلدانعاننان كەيىن 1،3 ملن گەكتار اۋىل شارۋاشىلىعى جەرلەرى يگەرىلە باستادى.