بايلانىس وپەراتورلارى شىعىنداردى الا وتىرىپ، تاريفتەردى دەربەس بەلگىلەيدى.
مينيستر ۇيالى بايلانىس ءتاريفىنىڭ باعاسى رەتتەلمەيتىنىن مالىمدەدى، دەپ حابارلايدى Almaty-akshamy.kz
بۇل تۋرالى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ ايتتى.
«كاسىپكەرلىك كودەكسكە سايكەس 2017 جىلدان بەرى بايلانىس وپەراتورلارى كورسەتەتىن قىزمەتتىڭ باعاسى رەتتەلمەيدى. بايلانىس وپەراتورلارى شىعىنداردى الا وتىرىپ، تاريفتەردى دەربەس بەلگىلەيدى. بايلانىس وپەراتورلارى باعا كەلىسىمىن نەمەسە باعانى نەگىزسىز كوتەرگەن جاعدايدا باسەكەلەستىكتى قورعاۋ اگەنتتىگىنىڭ قۇزىرەتىنە جاتادى.
ەندى ءبىز مينيسترلىك رەتىندە باعانى رەتتەۋ قاجەتسىز دەپ سانايمىز. سەبەبى، سالادا ينۆەستيسيا تارتۋ تومەندەيدى دەپ ويلايمىز. مينيسترلىك سالاعا ينۆەستيسيا تارتۋ ءۇشىن ءقازىر بايلانىس وپەراتورلارىمەن جۇمىس ىستەيدى. مىسالى، جاقىندا ءبىز Beeline كومپانياسىمەن بەس جىل ىشىندە 1 ملرد ينۆەستيسيا سالۋ جونىندە مەموراندۋمعا قول قويدىق. باسقا بايلانىس وپەراتورلارىمەن دە وسىنداي جۇمىس ىستەلىپ جاتىر.
وپەراتورلاردىڭ كورسەتەتىن قىزمەت ساپاسىن ءبىز دە باقىلاۋدا ۇستايمىز. «اق داقتاردى» انىقتايمىز، ايىپپۇل سالامىز.
ءوزىڭىز بىلەسىز، (بايلانىس وپەراتورلارىنا سالىناتىن) ايىپپۇلدى 10 ەسە كوتەردىك: 100 اەك-تەن 1000 اەك-كە دەيىن»، - دەدى مينيستر.