بۇگىن COVID-19 تارالۋىنا جول بەرمەۋ جونىندەگى ۆاك وتىرىسىندا پرەمەر-مينيستردىڭ ورىنباسارى ەرالى توعجانوۆ وسىلاي دەدى.
بۇگىن پرەمەر-مينيستردىڭ ورىنباسارى ەرالى توعجانوۆ ASHYQ جوباسىنا بەلسەندى قاتىساتىن بيزنەس-قوعامداستىق وكىلدەرىمەن ونلاين-كەزدەسۋ وتكىزدى، دەپ حابارلايدى Almaty-akshamy.kz
بۇل جوبا مەملەكەت باسشىسىنىڭ تاپسىرماسى بويىنشا ىسكە اسىرىلدى جانە بۇگىنگى تاڭدا ءوزىنىڭ تيىمدىلىگىن كورسەتتى.
COVID-19 تارالۋىنا جول بەرمەۋ جونىندەگى ۆاك تەلەگرام كانالىنىڭ حابارلاۋىنشا، كەڭەسكە مەملەكەتتىك ورگانداردىڭ باسشىلارى، بارلىق وڭىرلەردىڭ اكىمدىكتەرى، «اتامەكەن» ۇلتتىق كاسىپكەرلەر پالاتاسى جانە ASHYQ جوباسىنىڭ كوشباسشىلارى قاتىستى.
ۆيسە-پرەمەر ەلىمىزدەگى ەپيدەميولوگيالىق جاعداي وتە كۇردەلى ەكەنىن، 16 ءوڭىر «قىزىل ايماقتا» تۇرعانىن اتاپ ءوتتى. ەلىمىزدىڭ ەمدەۋ ستاسيونارلارىنداعى توسەك-ورىنداردىڭ تولىمدىلىعى 54%-كە جەتتى. دەنساۋلىق ساقتاۋ جۇيەسى وتكەن جىلمەن سالىستىرعاندا ەكى ەسە ارتىق جۇكتەمەمەن جۇمىس جاساۋدا. كوروناۆيرۋستىق ينفەكسيانى تاراتپاۋ جونىندەگى جاعدايدى باسقارۋ، كاسىپكەرلەر تاراپىنان ەلدەگى كۇردەلى جاعدايعا تۇسىنىستىكپەن قاراۋى جانە جاردەمدەسۋى پاندەميامەن كۇرەستە وتە ماڭىزدى فاكتور بولىپ تابىلادى.
ASHYQ جۇيەسى اياسىنداعى جۇمىس الەۋمەتتىك-ەكونوميكالىق نىساندارداعى سانيتاريالىق-ەپيدەميولوگيالىق جاعدايدى باقىلاۋعا الىپ قانا قويماي، بيزنەستىڭ فۋنكسيونالىن جوعالتپاۋعا، جۇمىس ورىندارىن ساقتاۋعا مۇمكىندىك بەردى. بيزنەس وكىلدەرى ءوز تاراپىنان كارانتين جاعدايىندا جۇمىس ىستەۋگە مۇمكىندىك بەرگەنى ءۇشىن العىستارىن ءبىلدىرىپ، وزدەرىنە العان بارلىق مىندەتتەمەلەردى ودان ءارى ساقتاۋدى جالعاستىراتىندىعىن جانە ارىپتەستەرىن دە وسىعان شاقىراتىندارىن جەتكىزدى.
«اتامەكەن» ۇكپ باسقارما ءتوراعاسى ابىلاي مىرزاحمەتوۆ ءوز سوزىندە: «ءبىز ەكونوميكانىڭ دامۋىن، سونداي-اق 2 ملن-نان استام ادام جۇمىس جاسايتىن قىزمەت كورسەتۋ سەكتورىنداعى شاعىن جانە ورتا بيزنەستىڭ جۇمىسىن توقتاتپاۋ ءۇشىن ءارقاشان كاسىپكەرلەردىڭ ادال جۇمىسىن ۇستانامىز. مەملەكەتتىڭ سەنىمدى ءارى جاۋاپكەرشىلىكتى بيزنەسكە قولداۋ بىلدىرگەنىنە ريزامىز»،- دەدى.
سونداي-اق، كاسىپكەرلەر ەكى اپتانىڭ مونيتورينگى بويىنشا 2-9 تامىز ارالىعىندا ۇزدىك كورسەتكىشتەرگە يە بولعان جۇيە كوشباسشىلارىنا دەمالىس كۇندەرى جۇمىس ىستەۋگە مۇمكىندىك بەرۋدى قاراستىرۋ تۋرالى باستاما كوتەردى. بۇدان بولەك، ASHYQ جوباسى كوشباسشىلارىنىڭ قوعامدىق قوزعالىسىن قۇرۋ تۋرالى شەشىم قابىلداندى.
ەرالى توعجانوۆ مەملەكەت شوب جاۋاپتى نىساندارىنىڭ جۇمىسى ءۇشىن بارلىق جاعدايدى جاسايتىنىن ايتتى. تابىس تابۋ مەن ازاماتتاردىڭ دەنساۋلىعىن قورعاۋ اراسىنداعى تەپە-تەڭدىكتى تابۋ قاجەتتىلىگىنە شاقىردى. سونداي-اق، ول قالىپتى ءومىر تىرلىشىلىگىنە قايتا ورالۋدىڭ جالعىز جولى-ۆاكسيناسيا ەكەنىن جانە ۇجىمدىق يممۋنيتەتتى قالىپتاستىرۋ ءۇشىن يممۋنيزاسيانىڭ ماڭىزدىلىعى تۋرالى كەڭ اقپاراتتىق ساياسات جۇرگىزۋ كەرەكتىگىن اتاپ ءوتتى.
كەزدەسۋدى قورىتىندىلاي كەلە، پرەمەر-مينيستردىڭ ورىنباسارى جاۋاپتى مەملەكەتتىك ورگاندار مەن اكىمدىكتەرگە «اتامەكەن» ۇكپ-مەن بىرلەسىپ، بارلىق ايتىلعان باستامالاردى پىسىقتاۋدى جانە قاجەت بولعان جاعدايدا كوروناۆيرۋستىق ينفەكسياعا جول بەرمەۋ جونىندەگى ۆاك وتىرىسىنا كەلىسىلگەن ۇسىنىستار ەنگىزۋدى تاپسىردى.