مەملەكەت كەڭەسشى ەرلان قارين كەشە وتكەن ۇلتتىق قۇرىلتايدىڭ ەرەكشەلىكتەرى مەن پرەزيدەنت كوتەرگەن باستامالاردى اتادى.
بيىلعى ۇلتتىق قۇرىلتايدىڭ نەگىزگى ەرەكشەلىكتەرى
— قوعامدى تولعاندىراتىن وزەكتى ماسەلەلەردىڭ كەڭ اۋقىمى قامتىلدى؛
— پرەزيدەنتتىڭ سويلەگەن ءسوزى مازمۇنى مەن قۇرىلىمى جاعىنان جىل سايىنعى جولداۋمەن تەڭ دارەجەدە باعدارلامالىق سيپاتقا يە بولدى؛
— مەملەكەت باسشىسى ءوز سوزىندە قازىرگى جاعدايعا جان-جاقتى تالداۋ جاساپ، كوپتەگەن ماسەلەنىڭ جۇيەلى شەشىمدەرىن ۇسىندى جانە بولاشاققا ارنالعان مىندەتتەردى ايقىندادى؛
— ۇلتتىق قۇرىلتاي مۇشەلەرىنىڭ ەكى كۇن بويى ايتقان بارلىق نەگىزگى ۇسىنىستارى پرەزيدەنتتىڭ سوزىندە كورىنىس تاپتى.
جۇمىس سەكسيالارى مەن پلەنارلىق وتىرىستا قوعام بەلسەندىلەرى كوتەرگەن ماسەلەلەر مەن باستامالار
— ەكونوميكانى رەفورمالاۋ: يننوۆاسيالار مەن سيفرلىق تەحنولوگيالاردى ەنگىزۋ، سالىق-بيۋدجەت سالاسىن جەتىلدىرۋ، وڭىرلەردە كولىك ينفراقۇرىلىمىن دامىتۋ، ەڭبەك نارىعىنداعى وڭىرلىك تەڭسىزدىكتەردى جويۋ، وندىرىستەگى قاۋىپسىزدىكتى قامتاماسىز ەتۋ؛ جۇمىسشى ماماندىقتارىن ناسيحاتتاۋ؛
— الەۋمەتتىك ساياسات: ءبىلىم بەرۋدىڭ قولجەتىمدىلىگى مەن ساپاسىن ارتتىرۋ، عىلىم مەن دەنساۋلىق ساقتاۋدى دامىتۋ، ەكولوگيا ماسەلەلەرى؛ ەرەكشە قاجەتتىلىكتەرى بار ادامدار ءۇشىن قولايلى جاعداي جاساۋ؛
— «زاڭ جانە ءتارتىپ» قاعيداتىن ورنىقتىرۋ: الاياقتىقپەن كۇرەس، ايەلدەر كولونيالارىنداعى جاعداي، جاستار اراسىنداعى قۇقىقبۇزۋشىلىقتاردىڭ الدىن الۋ، قۇقىقتىق ساۋاتتىلىقتى ارتتىرۋ. قۇقىقبۇزۋشى اتا-انالاردىڭ جاۋاپكەرشىلىگىن كۇشەيتۋ؛
— يدەولوگيالىق جۇمىستى جۇيەلەۋ: ىشكى ساياسات سالاسىندا ءبىرىڭعاي تۇجىرىمدامالىق قۇجات ازىرلەۋ، دەسترۋكتيۆتى ءدىني اعىمدارمەن كۇرەس، مەملەكەتتىك الەۋمەتتىك تاپسىرىس كريتەرييلەرىن قايتا قاراۋ، ىسىراپشىلدىق پەن مادەنيەتسىزدىككە قارسى تۇرۋ، «ادال ازامات» باعدارلاماسى اياسىندا وسكەلەڭ ۇرپاقتى جۇيەلى تۇردە تاربيەلەۋ، اعارتۋشىلىق جۇمىستار جۇرگىزۋ جانە مادەني-رۋحاني مۇرانى ىلگەرىلەتۋ.
مەملەكەت باسشىسى قانداي ماڭىزدى باستامالاردى كوتەردى؟
— يدەولوگيالىق جانە گۋمانيتارلىق جوبالار؛
— ىشكى ساياسات تۇجىرىمداماسىن ازىرلەۋ؛
— ۇكىمەتتىك ەمەس ۇيىمدار سالاسىنداعى زاڭنامانى جەتىلدىرۋ؛
— شەتەلدە اباي ينستيتۋتتارىن اشۋ؛
— بيولوگيالىق ارتۇرلىلىكتى ساقتاۋ جونىندەگى حالىقارالىق قور قۇرۋ؛
— ۇلتتىق سيفرلىق ارحيۆ قۇرۋ؛
— «قازاقستان بالالارى» ءبىرىڭعاي باعدارلاماسىن ىسكە قوسۋ؛
— ءار وبلىس ورتالىعىندا ەرەكشە بالالارعا ارنالعان وڭالتۋ جانە دامۋ ورتالىقتارىن اشۋ؛
— ءار وبلىستىق، اۋداندىق ورتالىقتاردا، اۋىلدار مەن كەنتتەردە بالالارعا ارنالعان فۋتبول الاڭدارىن سالۋ.
ەكونوميكالىق جانە ينفراقۇرىلىمدىق باستامالار
— تاۋەلسىزدىكتىڭ 40 جىلدىعىنا دەيىنگى ەل دامۋىنىڭ بەس باسىم باعىتىن ايقىنداۋ: سيفرلاندىرۋ جانە جاساندى ينتەللەكت، كولىك جانە ترانزيت، ەنەرگەتيكا، اگروونەركاسىپتىك كەشەن، ادامي كاپيتال؛
— 2025 جىلى ناقتى سەكتوردى قارجىلاندىرۋ كولەمىن ەكى ەسە ارتتىرىپ، 8 ترلن تەڭگەگە، ال كەلەسى جىلدارى 10 ترلن تەڭگەگە دەيىن جەتكىزۋ؛
— 2025-2026 جىلدارى ءىرى ينفراقۇرىلىمدىق جوبالاردى جۇزەگە اسىرۋ؛
— الداعى ءتورت جىل ىشىندە جىل سايىن 200-گە جۋىق ينۆەستيسيالىق جوبانى ىسكە قوسۋ؛
— شەكارا ماڭى اۋماقتارىن دامىتۋ تۋرالى جاڭا زاڭ ازىرلەۋ؛
— استانادان ارقالىق، تورعاي جانە ىرعىز ارقىلى ترانسكاسپيي حالىقارالىق كولىك دالىزىنە تىكەلەي شىعاتىن اۆتوجول سالۋ؛
— يادرولىق ەنەرگەتيكا اگەنتتىگىن قۇرۋ.