ازاماتتىق فورۋم شەڭبەرىندە قازاقستان رەسپۋبليكاسى عىلىم جانە جوعارى ءبىلىم مينيسترلىگى، CCI Kazakhstan كومپانياسى مەن ««جاسىل ەكونوميكانى» قولداۋ جانە G-Global-دى دامىتۋ» كواليسياسى» زتب اراسىندا «ReStart» بىرلەسكەن جوباسىن ىسكە اسىرۋ جونىندەگى ءىس-شارالار جوسپارىنا قول قويۋ ءراسىمى ءوتتى، - دەپ حابارلايدى Aqshamnews.kz.
جوسپار ەل پرەزيدەنتى قاسىم-جومارت توقايەۆتىڭ 2025 جىلعى 8 قىركۇيەكتەگى قازاقستان حالقىنا جولداۋىن ىسكە اسىرۋ اياسىندا، جولداۋدا كورسەتىلگەندەي اۋقىمدى ەكولوگيالىق اپات قاۋپىنە الاڭداۋشىلىق تۋعىزا وتىرىپ، ستۋدەنت جاستاردى قازاقستاندا ەكولوگيالىق مادەنيەتتى قالىپتاستىرۋعا جانە اينالمالى ەكونوميكانى دامىتۋعا تارتۋ باعىتىندا، سونداي-اق «بءىلىم تۋرالى» ق ر زاڭىنا سايكەس ازىرلەندى.
قول قويىلعان جوسپاردىڭ ماقساتى – ەكولوگيا، تۇراقتى دامۋ جانە ەكولوگيالىق ءبىلىم بەرۋ سالاسىنداعى باستامالاردى ىسكە اسىرۋ ءۇشىن مەملەكەتتىڭ، ازاماتتىق قوعامنىڭ جانە بيزنەستىڭ ءوزارا ءىس-قيمىلىنىڭ ناقتى پلاتفورماسىن قۇرۋ.
جوبا ەكولوگيالىق مادەنيەتتى دامىتۋعا، تۇراقتى دامۋ قاعيداتتارىن ىلگەرىلەتۋگە جانە «جاسىل ەكونوميكا» نەگىزدەرىن ەلدىڭ جوعارى ءبىلىم بەرۋ جۇيەسىنە ەنگىزۋگە باعىتتالعان. جوسپاردىڭ نەگىزگى مىندەتتەرىنىڭ قاتارىندا ەكولوگيالىق ءبىلىم بەرۋ جانە تاربيە سالاسىنداعى جاستار باستامالارىن دامىتۋعا جاردەمدەسۋ، جوو بازاسىندا ستۋدەنتتىك ەكو-كلۋبتار مەن عىلىمي قاۋىمداستىقتاردى دامىتۋ، قالدىقتاردى بولەك جيناۋ جانە «جاسىل كامپۋستاردى» دامىتۋ جونىندەگى جوبالاردى ىسكە اسىرۋ، سونداي-اق «جاسىل» جوبالاردى ىلگەرىلەتۋ جانە سەرىكتەستەر مەن ينۆەستورلاردى تارتۋ بار.
جوسپار CCI Kazakhstan كومپانياسىنىڭ ون جىلدىق تاجىريبەسى مەن تابىستى «3.2.1. Start!» جوباسىنىڭ جەتىستىكتەرىنە نەگىزدەلگەن، جانە دە ول جوبا بيىلعى جىلى «ReStart» دەپ اتالاتىن جاڭا فورماتقا كوشىپ، تۇراقتى دامۋ مەن ەكو-اعارتۋعا نازار اۋدارا وتىرىپ، پلاستيكتى بولەك جيناۋ جانە قايتا وڭدەۋ مادەنيەتىن دامىتۋدىڭ ەڭ ءىرى ەكوپلاتفورماسىنا اينالدى. تەك قانا 2024 جىلدىڭ وزىندە قازاقستاندىق جوعارى وقۋ ورىندارىنىڭ ستۋدەنتتەرى – قازماۋ، قبتۋ، Satbayev University، قازۇازۋ، م.قوزىبايەۆ اتىنداعى سقۋ جانە باسقالار -17 توننادان استام پلاستيكالىق قالدىقتاردى جيناپ، ولاردى جاڭا بۇيىمدارعا اينالدىرعان.
2025 جىلى جوبانىڭ توعىزىنشى ماۋسىمىندا ستۋدەنتتەرءدىڭ جالپى سانى 100 مىڭنان اساتىن 14 جوو قاتىستى. ءبىر جىل ىشىندە ستۋدەنتتەر 35 توننادان استام پلاستيك جينادى، بۇل وتكەن ماۋسىمنىڭ كورسەتكىشتەرىنەن اسىپ ءتۇستى جانە جوبا بۇكىل ەل بويىنشا 15 سەنبىلىك وتكىزدى.
CCI Kazakhstan كومپانياسىنىڭ كورپوراتيۆتىك جانە رەتتەۋشى قاتىناستار جونىندەگى ديرەكتورى ءاليما يسەمبايەۆا جوسپارعا قول قويۋ راسىمىندە ءسوز سويلەءدى.
«بيىل جوبا ءوزىنىڭ ونجىلدىعىن اتاپ وتۋدە، ول دامۋدىڭ جاڭا كەزەڭىمەن — «ReStart» جاڭارتىلعان اتاۋىمەن جانە اۋقىمدى ميسسياسىمەن، ستۋدەنتتەردىڭ كۇندەلىكتى ومىرىنە قالدىقتاردى جۇيەلى تۇردە بولەك جيناۋدى جانە ورنىقتى دامۋ قاعيداتتارىن ەنگىزە وتىرىپ، قازاقستاننىڭ ودان دا كوپ ۋنيۆەرسيتەتتەرىن قامتۋ سىندى ماسەلەلەرمەن ساي كەلىپ وتىر. عىلىم جانە جوعارى ءبىلىم مينيسترلىگىمەن بىرلەسىپ جۇمىس ىستەۋ-ازاماتتىق قوعامنىڭ، مەملەكەتتىڭ جانە بيزنەستىڭ ءتيىمدى سەرىكتەستىگى ناقتى ناتيجەلەرگە قالاي قول جەتكىزەتىنىن جانە ەكولوگيالىق جاۋاپتى ۇرپاقتى قالىپتاستىرا الاتىنىن كورسەتەتىن ماڭىزدى قادام»،-دەپ اتاپ ءوتتى.
جوبانى ىسكە اسىرۋ جىلدارىندا ونداعان ستۋدەنتتىك ەكو-كلۋبتار قۇرىلدى، قالدىقتاردى بولەك جيناۋ جانە قايتا وڭدەۋ بويىنشا كوپتەگەن باستامالار ازىرلەندى، ولاردىڭ كوپشىلىگى ۋنيۆەرسيتەتتەردىڭ تۇراقتى تاجىريبەسىنە اينالدى.
اتاپ ايتقاندا، Satbayev University-دە پلاستيكالىق قاقپاقتاردى جيناۋ جانە ولاردى شاعىن ساۋلەت نىساندارىنىڭ ەلەمەنتتەرىنە قايتا وڭدەۋ جۇيەسى ەنگىزىلدى، قازۇازۋ-دا «جاسىل كامپۋس» جوباسى ىسكە اسىرىلدى، ال م.قوزىبايەۆ اتىنداعى سقۋ-دا ستۋدەنتتەر قايتا وڭدەلگەن پلاستيكتەن جاسالعان كادەسىي جەلىسىن دامىتۋدا.
«ReStart» – تىڭ جارقىن تۇلەكتەرىنىڭ قاتارىنا Rocket Plastic، Recycle Birge جانە EcoCashback – تۇراقتى ينفراقۇرىلىمدار مەن دامۋدى جالعاستىراتىن الەۋمەتتىك كاسىپورىندارعا اينالعان ستارتاپتار كىرەدى.
«ReStart» باستاماسى - تۇراقتى دامۋدىڭ جاڭا كەزەڭى جانە قازاقستاننىڭ 2030-كۇن ءتارتىبىن ىسكە اسىرۋعا قوسقان ۇلەسى بولماق.
كواليسيانىڭ باسقارما ءتوراعاسى ءاليا راحىمبەكوۆا: «ءبىز مەملەكەتتىڭ، بيزنەستىڭ جانە ازاماتتىق قوعامنىڭ كۇش-جىگەرىن بىرىكتىرۋ قازاقستاننىڭ بۇۇ-نىڭ تۇراقتى دامۋ ماقساتتارىنا قول جەتكىزۋى ءۇشىن بەرىك نەگىز قۇراتىنىنا سەنىمدىمىز»،-دەدى.
««جاسىل ەكونوميكانى» قولداۋ جانە G-Global-دى دامىتۋ» كواليسياسى» زتب 2013 جىلى قۇرىلعان ساتتەن باستاپ قازاقستاندا تۇراقتى دامۋ جانە كليماتتىق اعارتۋ يدەيالارىن ىلگەرىلەتۋدىڭ ساراپتامالىق، ادىستەمەلىك جانە قوعامدىق ورتالىعى سانالادى.
قازاقستان رەسپۋبليكاسى عىلىم جانە جوعارى ءبىلىم مينيسترلىگىنەن قۇجاتقا مينيسترلىكتىڭ اپپارات باسشىسى ماديار دۇيسەنباي ۇلى قوجاحمەت قول قويىپ، جوسپارعا قول قويۋ ەكولوگيالىق ءبىلىم بەرۋ مەن جاستار تاربيەسىن دامىتۋداعى ماڭىزدى قادام ەكەنىن اتاپ ءوتتى.
««ReStart» جوباسى-جاستاردىڭ ەكولوگيالىق ويلاۋى مەن تابيعاتقا ۇقىپتى قاراۋ مادەنيەتىن بىرلەسىپ قالىپتاستىرۋدىڭ جارقىن مىسالى. جوسپاردى ىسكە اسىرۋ ايتارلىقتاي ناتيجە بەرەتىنىنە جانە قازاقستاننىڭ تۇراقتى بولاشاعىن دامىتۋعا ۇلەس قوساتىنىنا سەنىمدىمىن»، - دەدى ماديار دۇيسەنباي ۇلى قوجاحمەت.