الداعى رەفەرەندۋمعا جاۋاپكەرشىلىكپەن قاراۋ وتە ماڭىزدى
بۇل ورتاق پىكىرگە «قامقور» الەۋمەتتىك تۇرعىن ءۇي» قىزمەتكەرلەرى كونستيتۋسيالىق رەفورمانى ءتۇسىندىرۋ كەزدەسۋىندە كەلدى. AMANAT پارتياسىنىڭ رەسپۋبليكالىق شتابىنىڭ مۇشەسى، ءماجىلىس دەپۋتاتى بەكقالي تورعايەۆ جانە الماتى قالالىق پارتيا شتابىنىڭ جەتەكشىسى مەيىرجان وتىنشييەۆ قالا تۇرعىندارىنىڭ نازارىن «جاڭا قازاقستاننىڭ» باستى باعىتتارىنا، ونىڭ ىشىندە تەڭدىك پەن ادىلدىككە اۋداردى.
ءتۇسىندىرۋ بارىسىندا ماجىلىسمەن بەكقالي تورعايەۆ داۋىس بەرۋ ەرەجەلەرىنە جەكە توقتالدى. ماسەلەن، الداعى 2022 جىلعى 5 ماۋسىمداعى رەسپۋبليكالىق رەفەرەندۋمدا داۋىس بەرۋگە ارنالعان بيۋللەتەندە ءبىر عانا سۇراققا جاۋاپتىڭ ەكى نۇسقاسى بولادى: ءسىز قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلاردى قابىلدايسىز با؟ «ءيا» - قابىلدايمىن، «جوق» - قابىلدامايمىن.
«ءبىز وسى جەردە جانە جالپى قالا بويىنشا كەزدەسۋلەردى بارلىق 33 تۇزەتۋدى ءتۇسىندىرۋ ءۇشىن وتكىزۋدەمىز. جۇمىس توبى قۇرىلدى، وزگەرىستەر جوباسىن كونستيتۋسيالىق كەڭەستىڭ ءوزى قارادى. ءار تۇزەتۋ تالداندى. سوندىقتان الداعى رەفەرەندۋمعا جاۋاپكەرشىلىكپەن قاراۋ وتە ماڭىزدى، ويتكەنى ول ءبىزدىڭ مەملەكەتىمىزگە دەموكراتيالىق جولعا تۇرۋعا مۇمكىندىك بەرەدى»،-دەپ اتاپ ءوتتى ءوز سوزىندە دەپۋتات ب.تورعايەۆ.
كەزدەسۋگە قاتىسۋشىلاردىڭ ايتۋىنشا، قوعام كونستيتۋسيالىق وزگەرىستەردى، اسىرەسە ولاردىڭ كونستيتۋسيالىق قۇقىقتارىن قورعاۋدى كۇشەيتۋگە مۇقتاج.
«ءبىز وسكەلەڭ ۇرپاقتىڭ يگىلىگى ءۇشىن ەل كونستيتۋسياسىنا ۇسىنىلعان تۇزەتۋلەردى قولداۋعا دايىنبىز!»- دەپ اتاپ ءوتتى ولار.
«قاڭتارداعى وقيعالار قازاقستاندىقتاردى كونستيتۋسياعا جاھاندىق تۇزەتۋلەر ەنگىزۋىنسىز ەلدى تولىققاندى رەفورمالاۋ مۇمكىن ەمەستىگىن ناقتى تۇسىنۋگە يتەرمەلەدى. سوندىقتان، 5 ماۋسىمدا حالىقتىڭ قولداۋى ءۇشىن ۇسىنىلعان كونستيتۋسيالىق وزگەرىستەر توپتاماسى شىندىققا اينالۋى جانە ەلدىڭ ساياسي-قۇقىقتىق كۇن ءتارتىبىن تۇبەگەيلى وزگەرتۋى ءتيىس»، - دەپ تۇيىندەدى م.وتىنشييەۆ.