پرەزيدەنت ۇكىمەتتىڭ كەڭەيتىلگەن وتىرىسىندا ينفراقۇرىلىم جوسپارىن قايتا قاراۋدى تاپسىردى.
«ەلىمىزگە اۋقىمدى ينۆەستيسيا تارتۋدىڭ تاعى ءبىر ماڭىزدى شارتى – ۇلتتىق ينفراقۇرىلىم جوسپارى. بۇل قۇجات ساپالى ازىرلەنۋگە ءتيىس. ويعا كەلگەننىڭ ءبارىن ءبىر قۇجاتقا جيناقتاپ، سوسىن بيۋدجەتتەن قارجى بولىنبەدى دەپ سىلتاۋ ايتۋ – قولىڭنان تۇك كەلمەيتىنىن مويىنداۋ دەگەن ءسوز»، - دەدى پرەزيدەنت.
مەملەكەت باسشىسى ۇكىمەتكە ينفراقۇرىلىم جوسپارىن قايتا قاراۋدى تاپسىردى.
«نەگىزگى باسىمدىقتاردى ايقىنداپ، ستراتەگيالىق ماڭىزى بار جوبالارعا جەكە ينۆەستيسيا تارتۋ ماسەلەسىن مۇقيات ويلاستىرۋ كەرەك. تەك اسا قاجەت بولعان جاعدايدا عانا قارجىلاي قولداۋ شارالارىن قاراستىرعان ءجون»، - دەدى قاسىم-جومارت توقايەۆ.