پرەزيدەنتكە مينيسترلىكتىڭ جۇمىسى، سونىڭ ىشىندە زەينەتاقىمەن قامتاماسىز ەتۋ جانە الەۋمەتتىك كودەكستى ازىرلەۋ ماسەلەلەرى تۋرالى باياندالدى.
قاسىم-جومارت توقايەۆقا قازاقستانداعى ءاربىر وتباسىنىڭ ءال-اۋقاتىن ارتتىرۋعا جانە جۇمىسپەن قامتۋ ءىسىنىڭ تابىستى بولۋى ءۇشىن جاعداي جاساۋعا باعىتتالاتىن جاڭا الەۋمەتتىك ساياسات قالىپتاستىرۋ تاسىلدەرى ۇسىنىلدى، دەپ حابارلايدى Almaty-akshamy.kz اقورداعا سىلتەمە جاساپ.
تامارا دۇيسەنوۆا مەملەكەت باسشىسىنا وتباسىنىڭ سيفرلىق كارتاسىن جاساۋ، الەۋمەتتىك قىزمەت كورسەتۋ پورتالىن جانە الەۋمەتتىك قازىناشىلىق اقپاراتتىق جۇيەسىن دامىتۋ جوسپارى جونىندە ايتتى. پرەزيدەنت گەوساياسي جاعدايدىڭ وزگەرۋىن جانە ەڭبەك نارىعىنا قىسىمنىڭ كۇشەيۋىن ەسكەرە وتىرىپ ازىرلەنگەن كوشى-قون ساياساتىن دامىتۋ جوسپارىمەن تانىستى.
قاسىم-جومارت توقايەۆ الەۋمەتتىك ەڭبەك سالاسىنداعى وزەكتى پروبلەمالاردى شەشۋ جونىندە ءبىرقاتار تاپسىرما بەردى. مەملەكەت باسشىسى جاستاردى جۇمىسپەن قامتۋ باعدارلامالارىنىڭ تيىمدىلىگىن ارتتىرۋ، الەۋمەتتىك قورعاۋ جۇيەسىنىڭ تەتىكتەرىن جەتىلدىرۋ قاجەت ەكەنىن اتاپ ءوتتى.