مەملەكەت باسشىسىنىڭ توراعالىعىمەن ەلىمىزدىڭ الەۋمەتتىك-ەكونوميكالىق دامۋىن بولجاۋ جانە 2024-2026 جىلدارعا ارنالعان رەسپۋبليكالىق بيۋدجەت جوباسىنىڭ ماسەلەلەرى جونىندە جۇمىس كەڭەسى ءوتتى، دەپ حابارلايدى Almaty-akshamy.kz.
پرەزيدەنتكە الەمدىك ەكونوميكاداعى ترەندتەر، ەلىمىزدىڭ الەۋمەتتىك-ەكونوميكالىق دامۋىنا جاسالعان بولجامدار، سونداي-اق 2024-2026 جىلدارعا ارنالعان رەسپۋبليكالىق بيۋدجەت جوباسىنىڭ پارامەترلەرى تۋرالى مالىمەت بەرىلدى.
مەملەكەت باسشىسى:
- تەڭگەرىمدى ماكروەكونوميكالىق ساياسات جۇرگىزۋ، مەملەكەتتىڭ الەۋمەتتىك سالادا قابىلداعان بارلىق مىندەتتەمەلەرىن ساقتاۋ ماڭىزدى ەكەنىنە نازار اۋداردى؛
- جوسپارلانعان ينفراقۇرىلىمدىق جانە الەۋمەتتىك جوبالارعا، ەكونوميكانىڭ ناقتى سەكتورىن قولداۋعا جانە دامىتۋعا، جالپىمەملەكەتتىك شىعىندارعا، سونىڭ ىشىندە قورعانىس جانە قۇقىق قورعاۋ جۇيەلەرىنىڭ تيىمدىلىگىن ارتتىرۋعا باعىتتالعان شىعىنداردى تولىققاندى قارجىلاندىرۋ قاجەت ەكەنىن اتاپ ءوتتى.
كەڭەس قورىتىندىسى بويىنشا ۇكىمەتكە بيۋدجەت پروسەسىنە باقىلاۋدى كۇشەيتۋ، ماكروەكونوميكالىق تۇراقتىلىقتى قامتاماسىز ەتۋ جانە مەملەكەتتىك ورگانداردىڭ قارجى جۇمساۋ ءتارتىبىن جەتىلدىرۋ جونىندە تاپسىرما بەرىلدى.