مەملەكەت باسشىسى قاسىم-جومارت توقايەۆ تۇركيا پرەزيدەنتى رەجەپ تاييپ ەردوعانمەن تەلەفون ارقىلى سويلەستى، دەپ حابارلايدى اlmaty-akshamy.kz
اڭگىمەلەسۋ بارىسىندا پرەزيدەنتتەر ءوزارا سەنىم مەن قولداۋعا نەگىزدەلگەن ەكى ەل اراسىنداعى كەڭەيتىلگەن ستراتەگيالىق سەرىكتەستىكتى ودان ءارى نىعايتۋعا نيەتتى ەكەنىن راستادى، دەلىنگەن اقوردا باسپا ءسوز قىزمەتىنىڭ حابارلاماسىندا.
ەكى ەل باسشىلارى ساۋدا-ەكونوميكالىق، ينۆەستيسيالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتى تەرەڭدەتۋ پەرسپەكتيۆالارىن تالقىلادى، سونداي-اق حالىقارالىق جانە وڭىرلىك كۇن تارتىبىندەگى وزەكتى ماسەلەلەردى قاراستىردى.
قازاقستان مەن تۇركيا پرەزيدەنتتەرى بيىل قاراشا ايىندا استانادا وتەتىن تۇركى مەملەكەتتەرى ۇيىمىنىڭ X سامميتىنە دايىندىق بارىسى تۋرالى پىكىر الماستى. قاسىم-جومارت توقايەۆتىڭ ايتۋىنشا، بۇل جيىن تۇركى ەلدەرى اراسىنداعى قارىم-قاتىناستى دامىتۋ ءۇشىن ماڭىزدى قادام بولماق.