قاسىم-جومارت توقايەۆقا ۇلتتىق كومپانيانىڭ قازىرگى جۇمىستارى مەن قارجىلىق جاعدايى جانە الداعى كەزەڭدەگى دامۋ پەرسپەكتيۆالارى تۋرالى ەسەپ بەرىلدى.
كەزدەسۋ بارىسىندا كاسپيي قۇبىر جەلىسى كونسورسيۋمىنا قاتىستى احۋالعا ەرەكشە نازار اۋدارىلدى. پرەزيدەنتكە ايلاقتىڭ جىلجىمالى قۇرىلعىلار جۇيەسىن جوندەۋ جۇمىستارىنىڭ جۋىردا اياقتالاتىنى جونىندە باياندالدى، دەپ حابارلايدى Almaty-akshamy.kz اقورداعا سىلتەمە جاساپ.
بۇل قازاقستان مۇنايىن كاسپيي قۇبىر جەلىسى كونسورسيۋمى ارقىلى تاسىمالداۋدىڭ بۇرىنعى كولەمىن قالپىنا كەلتىرۋگە مۇمكىندىك بەرەدى.
سونىمەن قاتار قاسىم-جومارت توقايەۆقا اتىراۋ وبلىسىنداعى پوليپروپيلەن شىعاراتىن كەشەن قۇرىلىسىنىڭ بارىسى تۋرالى مالىمەت بەرىلدى. ماعزۇم مىرزاعالييەۆتىڭ ايتۋىنشا، اتالعان زاۋىتتىڭ قۇرىلىسىن جۋىق ارادا اياقتاۋ جوسپارلانىپ وتىر. بۇل مۇناي-گاز حيمياسىنىڭ ءونىمى بويىنشا قازاقستاننىڭ نەتتو-ەكسپورتەرگە اينالۋىنا مۇمكىندىك بەرەدى.
مەملەكەت باسشىسى ەلىمىزدىڭ مۇناي-گاز حيمياسى سالاسىن دامىتۋدىڭ اسا ماڭىزدى ەكەنىن ايتتى.