مەملەكەت باسشىسى بەيبىت تۇرعىندارعا قاتىستى ماسكەۋ وبلىسىندا بولعان زورلىق-زومبىلىق ارەكەتتى تاعى دا ايىپتاي وتىرىپ، تەرروريزمگە قارسى كۇرەستە قازاقستاننىڭ رەسەيمەن بىرگە ەكەنىن راستادى.
پرەزيدەنت قاسىم-جومارت توقايەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ شۇعىل وتىرىسى ءوتتى، دەپ حابارلايدى Almaty-akshamy.kz
جيىن بارىسىندا قۇقىق قورعاۋ قۇرىلىمدارى مەن جەرگىلىكتى اتقارۋشى ورگانداردىڭ جۇمىس جوسپارى، سونداي-اق ەكسترەمالدى جاعدايلارداعى ولاردىڭ قىزمەتىن ۇيلەستىرۋ ماسەلەلەرى قاراستىرىلدى.
پرەزيدەنت ەل ازاماتتارىنىڭ قاۋىپسىزدىگىن جانە تەرروريزمگە قارسى كۇرەس ماقساتىندا قازاقستاننىڭ باسقا مەملەكەتتەرمەن جانە حالىقارالىق ۇيىمدارمەن ىقپالداستىعىن قامتاماسىز ەتۋگە باعىتتالعان ءبىرقاتار تاپسىرما بەردى.