كەزدەسۋدە وڭىرلىك قاۋىپسىزدىكتى قامتاماسىز ەتۋ ماسەلەلەرى كوتەرىلدى.
قاسىم-جومارت توقايەۆ شاحباز شاريفكە ءىلتيپات بىلدىرە وتىرىپ، جۋىردا پاكىستاندا بولعان جويقىن سۋ تاسقىنى سالدارىنان كوپتەگەن ادامنىڭ قازا بولۋىنا جانە ونىڭ ەلگە ايتارلىقتاي زاردابىن تيگىزۋىنە بايلانىستى تاعى دا كوڭىل ايتتى، دەپ حابارلايدى Almaty-akshamy.kz اقورداعا سىلتەمە جاساپ.
مەملەكەت باسشىسى قازاقستاننىڭ دوستاس پاكىستان حالقىنا شىنايى تىلەۋلەستىگىنىڭ بەلگىسى رەتىندە تابيعي اپاتتان زارداپ شەككەندەرگە گۋمانيتارلىق كومەك كورسەتكەنىن جانە بۇل ەلدى الداعى ۋاقىتتا دا قولداۋعا دايىن ەكەنىن ناقتىلادى.
مەملەكەت باسشىسى ەكى ەل بەرىك سەرىكتەستىك پەن مازمۇندى ساياسي ديالوگ ورناتىپ، ساۋدا-ەكونوميكالىق جانە كولىك-لوگيستيكالىق بايلانىستاردى نىعايتۋ ءۇشىن بەلسەندى جۇمىس ىستەپ جاتقانىنا توقتالدى.
ءوز كەزەگىندە شاحباز شاريف قيىن-قىستاۋ جاعدايدا ەلىنە قولداۋ كورسەتكەنى ءۇشىن قازاقستان پرەزيدەنتىنە زور ريزاشىلىعىن ءبىلدىردى. پاكىستان پرەمەر-مينيسترى جويقىن سۋ تاسقىنى كليماتتىڭ وزگەرۋى سالدارىنان بولىپ وتىرعانىن ايتتى.
ول قازاقستان مەن پاكىستان اراسىنداعى كوپجاقتى ىنتىماقتاستىقتى نىعايتۋعا دايىن ەكەنىن، سونداي-اق ەكى ەلدىڭ ساۋدا-ەكونوميكالىق سەرىكتەستىگىن ارتتىرۋعا ىقپال ەتەتىنىن جەتكىزدى.
سونىمەن قاتار كەزدەسۋدە وڭىرلىك قاۋىپسىزدىكتى قامتاماسىز ەتۋ ماسەلەلەرى كوتەرىلدى.
