مەملەكەت باسشىسى نۇر-سۇلتان قالاسىنىڭ اكىمى التاي كولگىنوۆتى قابىلدادى

پرەزيدەنت استانا اكىمىنە تاپسىرما بەردى.

پرەزيدەنت قاسىم-جومارت توقايەۆقا ءبىرىنشى جارتىجىلدىقتىڭ قورىتىندىسى بويىنشا ەلوردانىڭ الەۋمەتتىك-ەكونوميكالىق جانە ينفراقۇرىلىمدىق دامۋى تۋرالى اقپارات بەرىلدى، دەپ حابارلايدى Almaty-akshamy.kz اقورداعا سىلتەمە جاساپ.

پرەزيدەنتكە كەزەكتە تۇرعان ازاماتتار ءۇشىن قولجەتىمدى تۇرعىن ءۇي قۇرىلىسىن ۇلعايتۋ، جاڭا مەكتەپتەر سالۋ ارقىلى ءۇش اۋىسىمدى وقۋ پروبلەماسىن شەشۋ، اۆتوموبيل كوپىرلەرى مەن جولدار سالۋ، ۇلەستىك قۇرىلىس نىساندارىن اياقتاۋ، گاز تارتۋ ماسەلەسى، ءتۇرعىن-ۇي الاپتارىن دامىتۋ، جەكە ينۆەستيسيالار تارتۋ جونىندە باياندالدى.

التاي كولگىنوۆ ءسورعى-سۇزۋ ستانسياسىنىڭ (سسس-3) قۇرىلىسى تۋرالى اقپارات بەردى. ءقازىر قالامىز تاۋلىگىنە 300 مىڭ تەكشە مەتر سۋ تۇتىنادى، ال سسس-3 ىسكە قوسىلسا، تاۋلىگىنە 100 مىڭ تەكشە مەتردەن استام قوسىمشا سۋ بەرەدى.

قالا اكىمىنىڭ ايتۋىنشا، جىلۋمەن جابدىقتاۋ قۋاتىن ارتتىرۋ ءۇشىن جەو-3 قۇرىلىسى، گاز قازاندىقتارىن جوبالاۋ جۇمىسى ءجۇرىپ جاتىر. گاز قازاندىقتارى ىسكە قوسىلعاندا، جەو-3 قۋاتى 3 ەسەدەن دە اساتىن بولادى. بۇل قۇرىلىسى ءجۇرىپ جاتقان بولاشاق اۋدانداردى جىلۋمەن قامتۋعا مۇمكىندىك بەرەدى. سونىمەن قاتار كارىز تازارتۋ قۇرىلىستارىن جوبالاۋ (كتق-2)، ينجەنەرلىك جەلىلەردى جاڭعىرتۋ، قوسالقى ەلەكتر ستانسيالارىن جاڭالاۋ جۇمىستارى ءجۇرىپ جاتىر.

پرەزيدەنتكە قالانى اباتتاندىرۋ بويىنشا جۇرگىزىلىپ جاتقان جۇمىستار تۋرالى مالىمەت بەرىلدى. بيىل ەلوردادا تاعى 200-دەن اسا اۋلا مەن قوعامدىق دەمالىس ورىندارى جاڭارتىلادى.

مەملەكەت باسشىسى جالپى اكىمدىك جۇرگىزىپ جاتقان جۇمىستاردى قولدادى. التاي كولگىنوۆكە ەلوردانىڭ ينفراقۇرىلىمىن دامىتىپ، اباتتاندىرۋ جۇمىستارىن جالعاستىرۋدى، قالا تۇرعىندارىنىڭ تۇيتكىلدى ماسەلەلەرىن شەشۋدى تاپسىردى.