پرەزيدەنت قاسىم-جومارت توقايەۆ وتاندىق بيزنەس-قوعامداستىق وكىلدەرىمەن كەزدەسۋ وتكىزدى، دەپ حابارلايدى almaty-akshamy.kz
جيىن بارىسىندا ۇلتتىق ەكونوميكانى ساپالى ءارى ورنىقتى دامىتۋدىڭ وزەكتى ماسەلەلەرى تالقىلاندى. اتاپ ايتقاندا، كاسىپكەرلەر ماكروەكونوميكالىق ساياسات، سونىڭ ىشىندە جاڭا سالىق كودەكسىن ازىرلەۋگە جانە ەكونوميكانىڭ ناقتى سەكتورىنا قولجەتىمدى نەسيە بەرۋگە قاتىستى پىكىرلەرىن ورتاعا سالدى. ەكونوميكانىڭ جاڭا قۇرىلىمىن قالىپتاستىرۋ اياسىندا جۇيەلى سيفرلاندىرۋ، كولىك-لوگيستيكا سالاسىن بەلسەندى تۇردە دامىتۋ، اگروونەركاسىپ كەشەنىنىڭ الەۋەتىن تولىققاندى پايدالانۋ، ەكونوميكانى يندۋستريالاندىرۋ، اسىرەسە، وتاندىق اۆتوموبيل ونەركاسىبىن ىلگەرىلەتۋ ماسەلەلەرى كوتەرىلدى.
قاسىم-جومارت توقايەۆ بۇگىنگى ايتىلعان ۇسىنىستاردىڭ بارلىعى جيناقتالىپ، ناقتى شارالار قابىلداناتىنىن ايتتى.