پرەزيدەنتكە ەلىمىزدەگى زاڭدىلىق پەن قۇقىقتىق ءتارتىپتىڭ جاي-كۇيى، سونداي-اق پروكۋراتۋرا ورگاندارىنىڭ وتكەن كەزەڭدەگى جۇمىستارىنىڭ قورىتىندىسى تۋرالى مالىمەت بەرىلدى.
مەملەكەت باسشىسىنا «قاڭتار وقيعاسى» بويىنشا جۇرگىزىلىپ جاتقان تەرگەۋ امالدارى مەن وعان قاتىسقاندارعا راقىمشىلىق جاساۋ ماسەلەلەرى پروكۋراتۋرانىڭ ەرەكشە باقىلاۋىندا تۇرعانى باياندالدى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
قاسىم-جومارت توقايەۆقا قىلمىستىق سالادا 1،8 مىڭنان استام تۇلعانىڭ كونستيتۋسيالىق قۇقىعى قورعالعانى جونىندە ايتىلدى. پروكۋرورلاردىڭ نارازىلىعى بويىنشا 866 ۇكىم جويىلىپ، وزگەرتىلدى. 183 سوتتالۋشىنىڭ جاعدايى جاقسارتىلدى، 20 ادام اقتالدى. بيزنەستى قورعاۋ سالاسىندا 145 مىڭ كاسىپكەردىڭ قۇقىعى قالپىنا كەلتىرىلدى.
بەرىك اسىلوۆتىڭ ايتۋىنشا، جەر قويناۋىن پايدالانۋ مەن اۆتوموبيل جولدارى سالالارىندا جۇيەلى زاڭ بۇزۋ فاكتىلەرى انىقتالدى. يندۋستريا مينيسترلىگى كەن وندىرۋگە دايىن تۇرعان 144 كەن ورنىن بارلاۋعا كەلىسىمشارتتار بەرگەن. بۇدان بولەك، جەر قويناۋىن پايدالانۋشىلار بيۋدجەتكە مىندەتتى 96 ميلليارد تەڭگە تولەمەگەنى انىقتالدى.
ەكونوميكالىق رەسۋرستاردى زاڭسىز شوعىرلاندىرۋعا قارسى ءىس-قيمىل ماسەلەلەرى جونىندەگى كوميسسيا جۇمىسىنىڭ اياسىندا مەملەكەتكە جىلجىمايتىن مۇلىك وبەكتىلەرى، جەر ۋچاسكەلەرى جانە باسقا دا مۇلىك قايتارىلدى.
پروكۋرورلاردىڭ اكتىلەرىنە سايكەس، قۇنى 43 ميلليارد تەڭگەنى قۇرايتىن زاڭسىز بەرىلگەن جانە ماقساتىنا پايدالانىلماعان 7،3 ميلليون گەكتار جەر مەملەكەتكە قايتارىلدى. سونىڭ ىشىندە، وليگوپوليا مەنشىگىندەگى قۇنى 6 ميلليارد تەڭگە بولاتىن 140 مىڭ گەكتار جەر قايتارىلدى. جۋىق ارادا وليگوپوليا سۋبەكتىلەرىنىڭ مەنشىگىندە بولعان 160 مىڭ گەكتار جەر قايتارىلادى.