مەملەكەت باسشىسى ءماجىلىس دەپۋتاتى، «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ ءتوراعاسى، ۇلتتىق قۇرىلتاي مۇشەسى باقتىقوجا ىزمۇحامبەتوۆتى قابىلدادى، دەپ حابارلايدى اlmaty-akshamy.kz.
باقتىقوجا ىزمۇحامبەتوۆ «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ اتقارىپ جاتقان جۇمىستارى جونىندە مالىمەت بەردى:
– ءقازىر 2 جوبا جۇزەگە اسىرىلىپ جاتىر. اتاپ ايتقاندا، «دانەكەر» باستاماسى قولعا الىنعان. ونىڭ ناتيجەسىندە سوڭعى 4 جىلدا 6896 داۋدىڭ 4563-ىندە تاراپتار ءىستى سوتقا جەتكىزبەي كەلىسىمگە كەلگەن؛
– ال مۇقتاج ازاماتتارعا الەۋمەتتىك قولداۋ كورسەتۋگە باعىتتالعان «ىسكەرلىك جانە جاناشىرلىق» جوباسى ءقازىر اتىراۋ، سولتۇستىك قازاقستان جانە قىزىلوردا وبلىستارىندا ىسكە اسىرىلۋدا؛
ارداگەرلەردىڭ «قوعامدىق باقىلاۋ تۋرالى» زاڭدى جۇزەگە اسىرۋعا بەلسەندى اتسالىسىپ جاتقانى جونىندە باياندادى. ولار سۋ تاسقىنىمەن كۇرەس كەزىندە حالىقتى سابىرعا شاقىرىپ، ءتۇسىندىرۋ جۇمىستارىن جۇرگىزگەن؛
مۇناي-گاز، اۋىل شارۋاشىلىعى سالالارىنا، وڭىرلەردە ازىق-تۇلىك باعاسىن تۇراقتاندىرۋعا جانە ءدىن ماسەلەسىنە قاتىستى ۇسىنىستار بەردى.