پرەزيدەنت «الماتى قالاسىنىڭ كولىك حولدينگى» ج ش س باسقاراتىن ONAY ەلەكتروندى بيلەت ساتۋ جۇيەسىمەن جانە الماتى قالاسىنداعى قوعامدىق كولىكتەردى ديسپەچەرلىك باسقارۋ ورتالىعىنىڭ جۇمىسىمەن تانىستى، دەپ حابارلايدى Almaty-akshamy.kz.
پرەزيدەنتكە قوعامدىق كولىكتەردە ەلەكتروندى تولەم جۇيەسىن ەنگىزۋ جانە بۇكىل ۇدەرىستى اۆتوماتتاندىرۋ ناتيجەسىندە جولاۋشى تاسىمالى سالاسىندا كولەڭكەلى اقشا اينالىمى ايتارلىقتاي ازايىپ، كولىك كاسىپورىندارىنىڭ تابىسى بىرنەشە ەسە ارتقانى جونىندە باياندالدى.