مەملەكەت باسشىسى قاسىم-جومارت توقايەۆ الماتى قالاسىنىڭ اكىمى دارحان ساتىبالدىنى قابىلدادى، - دەپ حابارلايدى aqshamnews.kz.
دارحان ساتىبالدى شاھاردىڭ الەۋمەتتىك-ەكونوميكالىق دامۋ قورىتىندىلارى مەن الداعى جوسپارلارى تۋرالى باياندادى.
بيىلعى ءبىرىنشى جارتىجىلدىقتا قىسقامەرزىمدى ەكونوميكالىق ينديكاتور 11 پايىزعا وسكەن. نەگىزگى كاپيتالعا سالىنعان ينۆەستيسيا كولەمى 25،4 پايىزعا ارتتى.
اكىم قالانىڭ ورتالىق بولىگىنە تۇسەتىن جۇكتەمەنى ازايتۋعا، ينفراقۇرىلىمدى تەڭگەرىمدى بولۋگە جانە قالادا جايلى ورتا قالىپتاستىرۋعا باعىتتالعان پوليسەنتريستىك دامۋ بارىسى جونىندە مالىمەت بەردى.
اۋداندار اراسىنداعى ءتيىمدى بايلانىس پەن قوعامدىق كولىك قىزمەتىن جاقسارتاتىن ترانسپورت جۇيەسىن قۇرۋ ماسەلەسىنە ەرەكشە نازار اۋدارىلدى.
قاسىم-جومارت توقايەۆ الماتى اكىمىنە ءبىرقاتار تاپسىرما بەردى:
- شاھاردىڭ جوعارعى بولىگىندە كوپپاتەرلى تۇرعىن ۇيلەر سالۋعا جانە اۋماقتى تارىلتاتىن قۇرىلىس جۇرگىزۋگە موراتوريي ەنگىزۋدى تاپسىردى. بۇل شەكتەۋ باس جوسپاردا قاراستىرىلعان الەۋمەتتىك نىساندار مەن تۋريستىك كلاستەر جوبالارىنا قاتىستى ەمەس.
- باس جوسپارعا تابيعي ورتانى قورعاۋدى كۇشەيتۋگە، قالانى جۇيەلى دامىتۋعا جانە تاۋ بوكتەرىندەگى قۇرىلىستىڭ الدىن الۋعا ارنالعان وزگەرىستەردى ۋاقىت وزدىرماي ەنگىزۋ مىندەتىن جۇكتەدى.