2022 جىلدىڭ 16 قاراشاسىندا ق ر پرەزيدەنتتىگىنە جالپىۇلتتىق سوسيال-دەموكراتيالىق پارتياسى اتىنان كانديدات نۇرلان اۋەسبايەۆ ەلورداداعى «جۇمباقتاس» قوناق ءۇيىنىڭ كونفەرەنس-زالىندا سايلاۋشىلارمەن كەزدەستى.
ءىس-شارا بارىسىندا جينالعان قاۋىمعا ءوزىنىڭ سايلاۋالدى باعدارلاماسىنىڭ باسىم باعىتتارى جونىندە بايانداپ بەردى.
نۇرلان اۋەسبايەۆتىڭ پىكىرىنشە، مەملەكەت الدىندا تۇرعان باستى مىندەت – ساياسي جۇيە رەفورماسى. قازاقستان پارلامەنتتىك-پرەزيدەنتتىك باسقارۋ ۇلگىسىنە ءوتۋى ءتيىس. ياعني، پرەزيدەنت وكىلەتتىگىن قايتا قاراستىرۋ قاجەت.
مەملەكەت باسقارۋداعى باستى ءرول پارلامەنتكە تيەسىلى بولۋى ءتيىس. زاڭ شىعارۋشى بۇل ورگاندى قايتا جاساقتاۋ قاجەت. بۇل ماقساتتاعى العاشقى قادام سەناتتى جويۋمەن ايقىندالادى. ءماجىلىستى كۇشەيتپەك كەرەك. بۇعان قول جەتكىزۋ ءۇشىن جسدپ-دان كانديدات ءماجىلىس دەپۋتاتتارىنىڭ سانىن كوبەيتۋدى ۇسىنادى. سونىمەن بىرگە دەپۋتاتتاردىڭ 50%-ى عانا پارتيا تىزىمدەرى بويىنشا سايلانۋى ءتيىس. حالىق قالاۋلىلارىنىڭ تەڭ جارتىسى ءبىر مانداتتىق وكرۋگتاردان، ءوزىن-وزى سايلاۋشىلاردان قۇرالۋى قاجەت. بۇل پارلامەنتارييدىڭ ەلەكتورات الدىنداعى جاۋاپكەرشىلىگىن ارتتىرادى.