جەتىسۋ وبلىسى الاكول اۋدانىنىڭ پروكۋراتۋراسى ءبىلىم بەرۋ ۇيىمدارىنداعى ءقاۋىپتى قالدىقتاردى ساقتاۋ، پايدالانۋ جانە كادەگە جاراتۋ تارتىبىنە قاتىستى تەكسەرىس جۇرگىزدى.
تالداۋ بارىسىندا ءبىرقاتار مەكەمەلەردە سانيتارلىق تالاپتاردىڭ ورەسكەل بۇزىلعانى بەلگىلى بولدى، - دەپ حابارلايدى Aqshamnews.kz.
قولدانىستاعى ەرەجەلەرگە سايكەس، ىستەن شىققان سىناپتى شامدار ارنايى، وقۋشىلار كىرە المايتىن بولمەدە ساقتالۋى ءتيىس. سونداي-اق ولاردى قاراپايىم قوقىس جاشىكتەرىنە تاستاۋعا قاتاڭ تىيىم سالىنادى (ق ر دەنساۋلىق ساقتاۋ ءمينيسترىنىڭ 2021 جىلعى 5 تامىزداعى №76 بۇيرىعى).
الايدا تەكسەرىس كەزىندە بىرنەشە مەكتەپ پەن مەملەكەتتىك بالاباقشادا 436 دانا ىستەن شىققان سىناپتى لامپانىڭ ۇزاق ۋاقىت بويى قويمالاردا، جەرتولەلەردە جانە سانيتارلىق تالاپتاردا كوزدەلمەگەن باسقا دا ورىنداردا ساقتالعانى انىقتالدى. بۇل ءوز كەزەگىندە وقۋشىلار مەن قىزمەتكەرلەردىڭ دەنساۋلىعىنا ناقتى ءقاۋىپ توندىرگەن.
پروكۋراتۋرانىڭ قاداعالاۋ اكتىسىنەن كەيىن بارلىق زاڭبۇزۋشىلىقتار جويىلىپ، ءقاۋىپتى قالدىقتار بەلگىلەنگەن تارتىپپەن شىعارىلدى.
ناتيجەسىندە 3 458 ازاماتتىڭ، سونىڭ ىشىندە 2 947 وقۋشى مەن 511 قىزمەتكەردىڭ قۇقىقتارى قورعالدى.