ەلىمىزدەگى ورتا ءبىلىم وشاقتارىندا اتا-انالاردان اقشا جيناۋ دەرەگى ازايماي تۇر.
ءبىلىم سالاسىنا بولىنەتىن قارجى ءۇش ەسەگە دەيىن ۇلعايدى. ول ءوز كەزەگىندە جەمقورلىق قاۋىپ-قاتەرلەردىڭ ارتۋىنا اكەلىپ سوقتىردى، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل تۋرالى تالدىقورعاندا وتكەن ءبىلىم سالاسىنداعى جەمقورلىقتىڭ الدىن الۋعا ارنالعان جيىندا ەلىمىزدىڭ سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى دميتريي مالاحوۆ مالىمدەدى. وقۋ-اعارتۋ ءمينيسترى عاني بەيسەمبايەۆ بولسا مەكتەپتە بولعان مۇنداي جاعدايلار ءۇشىن سول ءبىلىم وشاعىنىڭ ديرەكتورى تىكەلەي جاۋاپ بەرەتىنىن ايتتى.
«كوررۋپسياعا قارسى قىزمەت سوڭعى 3 جىلدا ءبىلىم سالاسىنداعى 300-دەن استام قىلمىستى تىركەدى. 192 ادام قىلمىستىق جاۋاپكەرشىلىككە تارتىلىپ، 140 ادام سوتتالدى. اگەنتتىك ءتوراعاسى ءبىزدىڭ الدىمىزعا ناقتى مىندەتتەر قويدى. بولىنگەن قارجىنى يگەرۋمەن قوسا جالاقى تولەۋ ماسەلەسى دە ءجىتى تەكسەرىلەدى. كەمشىلىكتەردى جويۋ باعىتىندا بىرلەسكەن شارالار قابىلدانىپ، ەلىمىزدەگى بارلىق ءبىلىم باسقارمالارىندا كوررۋپسيالىق قاۋىپكە تالداۋ جاساۋ جۇمىستارى قولعا الىندى»، - دەيدى ق ر سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى دميتريي مالاحوۆ.
«ءوزىمىز قويدىرا الماعاننان كەيىن، بۇل كىسىلەر ەندى مەكتەپتە اقشا جينايتىن بولسا، ول انىقتالاتىن بولسا، 7 ملن تەڭگە ايىپپۇل تولەيتىن بولادى. 5 مىڭ تەڭگە جينايمىن دەپ ەرتەڭ ديرەكتور، ءمۇعالىم 7 ملن ايىپپۇل جانە باس بوستاندىعىنان ايىرۋ ماسەلەسى تۋرالى ءقازىر ايتىپ جاتىر. بۇكىل ۇجىمعا ەسكەرتىپ قويىڭىزدار. ءتيىستى قارجى ءبولىنىپ جاتىر. سوندىقتان ەشكىمنەن ەش نارسە جيناۋدىڭ قاجەتتىلىگى جوق»، - دەيدى ق ر وقۋ-اعارتۋ ءمينيسترى عاني بەيسەمبايەۆ.