«مەكتەپكە جول» اكسياسى الماتى وبلىسىندا قالاي وتۋدە

الماتى وبلىسىندا بۇگىنگى كۇنى «مەكتەپكە جول» اكسياسىمەن دەمەۋشىلىك قاراجات ەسەبىنەن 12 905 بالاعا  121 762 455 تەڭگە كولەمىندە كومەك كورسەتىلدى.

ءداستۇرلى «مەكتەپكە جول» اكسياسى اياسىندا الماتى وبلىسىندا از قامتىلعان جانە كوپ بالالى وتباسى بالالارى قاجەتتى زاتتارمەن قامتاماسىز ەتىلدى. دەپ حابارلايدى Almaty-akshamy.kz «Jetisy media»-عا سىلتەمە جاساپ.

بيىلعى وقۋ جىلىن بارلىعى اسىعا توسقانى انىق. پاندەميا سالدارىنان ءبىر جارىم جىل ونلاين وقۋ فورماتى جۇرگىزىلگەن ەدى. ەندى مىنە ءداستۇرلى جۇيە قايتىپ ورالدى. رەسپۋبليكا مەكتەپتەرىنىڭ جۇمىسى قايتا جاندانىپ سانيتارلىق تالاپتارمەن ءۇردىس جالعاسۋدا. ءبىلىم ماۋسىمىنا ازىرلىكتىڭ ەڭ اۋقىمدىسى «مەكتەپكە جول» باستاماسى. الماتى وبلىسىندا بۇگىنگى كۇنى «مەكتەپكە جول» اكسياسىمەن دەمەۋشىلىك قاراجات ەسەبىنەن 12 905 بالاعا  121 762 455 تەڭگە كولەمىندە كومەك كورسەتىلدى.
سونىمەن قاتار، وبلىستىق ءبىلىم باسقارماسىنىڭ ۇيىتقى بولۋىمەن «بالالارعا قامقورلىق» اكسياسى جاريالانعان. ول ارقىلى 40-تان استام ءبۇلدىرشىن باسقارمالاردان 1 180 000 تەڭگە كولەمىندە كومەككە يە بولدى.
«اتامەكەن كز» پورتالى بويىنشا دەمەۋشىلەر، باسقارما باسشىلارى 17964 بالاعا 170 622 000 تەڭگە سومادا ماتەريالدىق كومەك بەردى.
ال 16594 بالانى كەڭسە تاۋارلارىمەن جانە مەكتەپ فورماسىمەن قامتاماسىز ەتۋ ماقساتىندا جاپپاي وقىتۋ قورىنان 414 ملن 850 مىڭ تەڭگە ءبولىندى. ال، جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى ااك الاتىن وتباسىلاردان شىققان 27 937 بالاعا كومەك كورسەتەدى. ايتا كەتكەن ءجون، ايماقتا 66 شالعاي ەلدى مەكەننەن وقۋشىلار تاسىمالمەن ءبىلىم الادى. بيىل تيىسىنشە ولاردى تاسىمالداپ وقىتۋ ءساتتى ۇيىمداستىرىلىپ وتىر. بۇل ماقساتتا وتكەن جىلى جەرگىلىكتى بيۋدجەت ەسەبىنەن 71 اۆتوبۋس ساتىپ الىنعان.