2025 جىلدىڭ 1 تامىز بەن 31 تامىز ارالىعىندا رەسپۋبليكادا «مەكتەپكە جول» اكسياسى جاريالاندى. اتا-انالارعا بالالاردى مەكتەپكە دايىنداۋ جانە كيىم-كەشەك، اياق كيىم، كەڭسە تاۋارلارى جەنە ت.ب. جەتىسپەۋىنە بايلانىستى بالالاردىڭ مەكتەپكە بارماۋىنا جول بەرمەۋ ءۇشىن قولداۋ كەرسەتۋ.
بۇل اكسيانىڭ ماقساتى – ءار بالانىڭ ءبىلىم الۋعا تولىق مۇمكىندىك الۋى، جاڭا وقۋ جىلىنا قاجەتتى قۇرال-جابدىقتارمەن قامتاماسىز ەتىلۋى. سونىمەن قاتار، قوعامدا قايىرىمدىلىق پەن جاناشىرلىق سەزىمىن نىعايتۋ، بالالارعا قامقور بولۋعا ۇندەيدى.
2025 جىلدىڭ تامىز ايىندا الماتى قالاسى اۋەزوۆ اۋدانى №141 جالپى ءبىلىم بەرەتىن مەكتەبىمىزدە دە بۇل اكسيا اياسىندا بىرنەشە وقۋشىعا كومەك كورسەتىلدى. “دامۋ بالا” سپورتتىق ورتالىعىنىڭ جەتەكشىسى شايمەردەنوۆ دارحان جانە 2 “ب” 4 “ا”سىنىپ اتا-انالارىنىڭ دەمەۋشىلىگىمەن 2 “ب”، 4 “ا”سىنىبىنىڭ بىرنەشە وقۋشىسىنا مەكتەپ فورماسى، وقۋ قۇرالدارى، سومكەلەر مەن كەڭسە تاۋارلارى تابىستالدى. اكسيا بارىسىندا مەكتەپ ديرەكتورى جۋماشيەۆا گ.ك. “بۇل – تەك ماتەريالدىق كومەك ەمەس، بالا جۇرەگىنە جىلۋ ۇيالاتاتىن، بولاشاعىنا سەنىم بەرەتىن ۇلكەن قولداۋ” ەكەنىن اتاپ ءوتتى.
«مەكتەپكە بارار جول» – ءار بالانىڭ ءبىلىم الەمىنە قادام باسۋىنا ارنالعان يگى ىستەردىڭ باستاۋى. وسىنداي شارالار ارقىلى قوعامدا مەيىرىم، ىزگىلىك، جاناشىرلىق ارتا تۇسەدى. ءار بالانىڭ الەۋمەتتىك جاعدايىنا بەيقام قاراي المايتىن جانداردى اكسياعا تارتۋ ماقساتىندا مەكتەپتىڭ الەۋمەتتىك جەلىلەرىندە حابارلاندىرۋلار جاريالاندى.