ق ر ءبىلىم جانە عىلىم ۆيسە-مينيسترى قۋانىش ەرعالييەۆ وسىلاي ايتتى.
«بيىل ءبىز جالپى ءبىلىم بەرەتىن مەكتەپتەردىڭ وقۋ باعدارلامالارىنا ومىرلىك ماڭىزى بار داعدىلاردى ۇيرەتۋ كۋرستارىن ەنگىزىپ جاتىرمىز»، - دەدى ۆيسە-مينيستر، دەپ حابارلايدى Almaty-akshamy.kz
Zhas Project جوباسى مەملەكەتتىك جاستار ساياساتىنىڭ قاجەتتىلىكتەرىن قاناعاتتاندىرىپ قانا قويماي، ونىڭ دامۋىنا، جاستارمەن جۇمىس ىستەۋدە جانە تاسىلدەر مەن شارالاردىڭ پايدا بولۋىنا ىقپال ەتتى. قازاقستاندا جاستار كورپۋسىن دامىتۋ جوباسىن ءبىلىم جانە عىلىم مينيسترلىگى 2016 جىلدان بەرى جۇزەگە اسىرىپ كەلەدى.
«Zhas Project مەملەكەتتىڭ كەيبىر ستراتەگيالىق مىندەتتەرىن شەشۋ ءۇشىن بىرنەشە تاپسىرمالاردى ىسكە اسىردى. ولار جاستاردى جانە ولاردىڭ ۆولونتەرلىك قىزمەتكە قاتىسۋىن دامىتۋعا، قوعامداستىقتىڭ ءومىرى ءۇشىن جاۋاپكەرشىلىككە جانە مەكتەپتى اياقتاپ، ماماندىق تاڭداۋ كەزىندە دۇرىس شەشىم قابىلداۋدى ۇيرەتۋگە باعىتتالدى. اتاپ ايتقاندا، جوبا بارىسىندا NEET ساناتىنداعى جاستارمەن جۇمىس جونىندەگى نۇسقاۋلىقتار، جاستاردى دامىتۋ يندەكسى، ۆولونتەرلىك قىزمەتتى دامىتۋ ستراتەگياسى، كاسىپتىك باعدارلاۋ جۇيەسىن دامىتۋ جونىندەگى ادىستەمەلىك ۇسىنىمدار جانە باسقا دا قۇجاتتار ازىرلەنگەن بولاتىن. بيىل ءبىز جالپى ءبىلىم بەرەتىن مەكتەپتەردىڭ وقۋ باعدارلامالارىنا ومىرلىك ماڭىزى بار داعدىلاردى ۇيرەتۋ كۋرستارىن ەنگىزىپ جاتىرمىز. وسى ورايدا جوبا اياسىندا ازىرلەنگەن داعدىلار باعدارلاماسىن قاراستىرۋدامىز. وسى جىلدار ىشىندە جوبا مەملەكەتتىك جاستار ساياساتىنىڭ قاجەتتىلىكتەرىن قاناعاتتاندىرىپ قانا قويماي، ونىڭ دامۋىنا، جاستارمەن جۇمىس ىستەۋدە جانە تاسىلدەر مەن شارالاردىڭ پايدا بولۋىنا ىقپال ەتتى دەپ ايتا الامىز»، - دەدى قۋانىش ەرعالييەۆ.