الماتىنىڭ تۇركسىب اۋدانىندا مەكتەپ اۆتوبۋستارىنىڭ سانى وقۋ جىلىنىڭ باسىنان باستاپ ءۇش ەسە ارتادى
الماتى اكىمى ەربولات دوسايەۆ تۇركسىب اۋدانىنىڭ تۇرعىندارىمەن كەزدەسۋدە وقۋشىلاردى تاسىمالداۋ جوسپارى تۋرالى باياندادى.
ونىڭ ايتۋىنشا، تۇركسىب اۋدانىندا بۇگىندە 8 مەكتەپ اۆتوبۋسى 6 مەكتەپتىڭ وقۋشىلارىن تاسىمالدايدى (№20، 32، 89، 115، 162، 195). جاڭا وقۋ جىلىنىڭ باسىنان باستاپ 10 مەكتەپتىڭ 2 مىڭنان استام وقۋشىسىن قامتۋ ءۇشىن اۆتوبۋستاردىڭ سانىن 22 بىرلىككە دەيىن ارتتىرۋدى جوسپارلانعان.
ەستەرىڭىزگە سالا كەتەيىك، «مەكتەپ اۆتوبۋسى» جوباسى 2023 جىلى الماتىدا اكىم ەربولات دوسايەۆتىڭ تاپسىرماسىمەن قولعا الىندى. 2024 جىلى تاعى 100 اۆتوبۋس ساتىپ الىپ، مەگاپوليستىڭ قوسىمشا 27 مەكتەبىن قامتۋ كوزدەلىپ وتىر.