بۇگىن ەلىمىزدە تاريحي وقيعا ورىن الۋدا — الەۋمەتتىك ماڭىزى بار تاقىرىپ بويىنشا العاش رەت رەفەرەندۋم وتكىزىلىپ جاتىر.
بۇعان دەيىنگى رەفەرەندۋم كونستيتۋسيالىق وزگەرىستەرگە قاتىستى بولسا، بۇل جولى ءبىز حالىق رەتىندە الەۋمەتتىك-ەكونوميكالىق باعىتتاعى تاقىرىپقا بايلانىستى شەشىم قابىلداپ جاتىرمىز. ءوز باسىم رەفەرەندۋمعا قاتىسىپ، ءوز تاڭداۋىمدى جاسادىم.
مۇنداي ساتتەردە ءاربىر ازاماتتىڭ قاتىسۋى مەن داۋىسى ەلدىڭ بولاشاعىنا ىقپال ەتپەك. بارشا بەلسەندى الماتىلىقتارعا رەفەرەندۋمعا قاتىسىپ، ءوز تاڭداۋىن جاساعاندارى ءۇشىن العىس ايتامىن.
بۇل تەك داۋىس بەرۋ عانا ەمەس، ەلدىڭ دامۋ باعىتىن انىقتاۋداعى ءار ازاماتتىڭ ۇلەسى دەپ بىلەمىن.