ەلىمىزدىڭ الەۋمەتتىك مەديسينالىق ساقتاندىرۋ قورىنا ءتۇرلى بايلانىس ارنالارى ارقىلى 208،5 مىڭ ءوتىنىش كەلىپ تۇسكەن، ونىڭ 5،5 مىڭنان استامى مەديسينالىق كومەكتىڭ ساپاسى مەن قولجەتىمدىلىگىنە بايلانىستى شاعىمدار، دەپ حابارلايدى اlmaty-akshamy.kz قازاقپاراتقا سىلتەمە جاساپ.
قوردىڭ نۇر-سۇلتان قالاسى بويىنشا فيليالى تاراتقان مالىمەتكە قاراعاندا، شاعىمدار بىلتىرعىمەن سالىستىرعاندا شامامەن 2 ەسەگە كوپ تۇسۋدە. كۇن سايىن بۇل مەكەمە 1406 بايلانىس ورتالىعى، Qoldau 24/7 ءموبيلدى قوسىمشاسى، fms.kz رەسمي سايتى جانە telegram-داعى @SaqtandyrýBot رەسمي بايلانىس ارنالارى ارقىلى وتىنىشتەردى قابىلدايدى.
«تالداۋ كورسەتكەندەي، ەڭ سۇرانىسى جوعارى بايلانىس ءتاسىلى - 1406 بايلانىس ورتالىعى – وتىنىشتەردىڭ 83%-ى وسى قىسقا ءنومىر ارقىلى تۇسكەن. ەكىنشى ورىندا – Qoldau 24/7 ءموبيلدى قوسىمشاسى. قورعا كوبىنەسە نۇر-سۇلتان، الماتى، شىمكەنت قالالارىنىڭ، اقتوبە، اقمولا وبلىستارىنىڭ تۇرعىندارى جۇگىنەدى. وتىنىشتەردىڭ نەگىزگى بولىگى كونسۋلتاتيۆتىك سيپاتتا بولادى. ءوتىنىش بەرۋشىلەردىڭ دەنى جارنالار مەن اۋدارىمداردى قالاي تولەۋ كەرەكتىگىن، ءمامس بويىنشا مەديسينالىق كومەكتى الۋ ءۇشىن قانداي كەزەڭدەردە تولەم جۇرگىزۋ كەرەكتىگىن سۇرايدى»، – دەيدى قوردىڭ زاڭدى جانە جەكە تۇلعالارمەن جۇمىس جاساۋ دەپارتامەنتىنىڭ ديرەكتورى زابيرا ورازالييەۆا.
جىل باسىنان بەرى نۇر-سۇلتان قالاسى بويىنشا «كليەنتتەرمەن قارىم-قاتىناستى باسقارۋ» جۇيەسىنە 1891 ءوتىنىش تۇسكەن. مۇنىڭ 1-جەلىسى ارقىلى تۇسكەن 829 ءوتىنىشتىڭ 764ء-ى «جۇمىس ىستەمەيتىن جۇكتى ايەلدەر» جانە «ورتا، تەحنيكالىق جانە كاسىپتىك، ورتا بىلىمنەن كەيىنگى، جوعارى ءبىلىم بەرۋ، سونداي-اق جوعارى وقۋ ورنىنان كەيىنگى ءبىلىم بەرۋ ۇيىمدارىندا كۇندىزگى وقۋ نىسانىندا ءبىلىم الاتىن ادامدار» ساناتىنداعى جەڭىلدىگى بار ازاماتتاردان ۋاقىتشا مارتەبە بەرۋ تۋرالى تۇسكەن وتىنىمدەر. بۇدان باسقا «شوب ءۇشىن ساقتاندىرۋ مارتەبەسىن تۇزەتۋگە» 65 ءوتىنىم ءتۇسىپ، وڭدەلدى.
قور وكىلدەرى اتاپ وتكەندەي، ءبىرىنشى توقساندا 5،5 مىڭ شاعىم تۇسكەن. پاسيەنتتەر مەديسينالىق كومەكتىڭ ساپاسىز كورسەتىلۋىنە نەمەسە ودان باس تارتىلۋىنا، كونسۋلتاسيالىق-دياگنوستيكالىق قىزمەتتەردى ۇزاق كۇتۋىنە، تار بەيىندى ماماندارعا جازبانىڭ بولماۋىنا شاعىمدانعان.
«شاعىمداردىڭ نەگىزگى سەبەپتەرى – تاعايىندالعان ەممەن، قويىلعان دياگنوزبەن كەلىسپەۋ، دارىگەردىڭ مەديسينالىق قىزمەتتەرگە جولداما بەرۋدەن باس تارتۋى، بەيىندى دارىگەردىڭ كونسۋلتاسياسىن نەمەسە دياگنوستيكالىق تەكسەرۋدى كۇتۋ، وڭىردە قاجەتتى مامانداردىڭ بولماۋى. قور ءار شاعىم بويىنشا ەگجەي-تەگجەيلى تالداۋ جۇرگىزۋدە. ءبىز پاسيەنتتەردى ءوز قۇقىقتارىن بىلۋگە جانە قۇقىقتارى بۇزىلسا، جاعدايدى سول جەردە شەشۋ ءۇشىن الدىمەن مەديسينالىق ۇيىمنىڭ وزىندە پاسيەنتتەرگە قولداۋ كورسەتۋ قىزمەتىنە جۇگىنۋگە شاقىرامىز. بۇل قىزمەتتەر بارلىق ەمحانالار مەن اۋرۋحانالاردا بار. ەگەر ماسەلەنى سول جەردە شەشۋ مۇمكىن بولماسا، قورعا جۇگىنۋ قاجەت»، – دەپ اتاپ ءوتتى زابيرا ورازالييەۆا.