قازاقستاندا مەديسينالىق كوللەدجدەرگە ءتۇسۋ ءۇشىن ەكى ءپاننىڭ بىرىنەن ارنايى ەمتيحان ەنگىزىلدى، دەپ حابارلايدى aqshamnews.kz
ەندى بۇل ستوماتولوگيا مەن ورتوپەديادان باسقا بارلىق مەديسينالىق ماماندىقتارعا تۇسۋشىلەر ءۇشىن مىندەتتى بولادى (وقۋ تۇرىنە قاراماستان – 9 نەمەسە 11 سىنىپتاردىڭ نەگىزىندە).
ەمتيحان بەيىندىك پاندەر بويىنشا بازالىق ءبىلىمدى، سونداي-اق تالاپكەردىڭ موتيۆاسيالىق دەڭگەيىن باعالاۋدى قامتيدى.
"مەملەكەت باسشىسى جاريالاعان جۇمىسشى ماماندىقتار جىلى شەڭبەرىندە ءبىز ورتا مەديسينالىق ءبىلىم الاتىن مامانداردى دايارلاۋ ساپاسىنا قويىلاتىن تالاپتاردى ارتتىرامىز. موتيۆاسيا مەن دايىندىقتى باعالاۋدىڭ ءبىرىڭعاي ءتاسىلى ەسەبىنەن ءتۇسۋ كەزىندە ادىلەتتىلىك قامتاماسىز ەتىلەدى. بۇل قوعامنىڭ مەديسينالىق كادرلاردى دايارلاۋ جۇيەسىنە دەگەن سەنىمىن ارتتىرۋدىڭ العاشقى قادامى"، – دەپ اتاپ ءوتتى دەنساۋلىق ساقتاۋ مينيسترلىگى.
ق ر دەنساۋلىق ساقتاۋ مينيسترلىگى ق ر وقۋ-اعارتۋ مينيسترلىگىمەن بىرلەسىپ تالاپكەرلەر مەن ولاردىڭ اتا-انالارىن قابىلداۋدىڭ جاڭا شارتتارىمەن مۇقيات تانىسۋعا جانە ارنايى ەمتيحانعا الدىن الا دايىندالۋعا شاقىرادى.
قوسىمشا اقپارات، تاپسىرما ۇلگىلەرى، ەمتيحان كەستەسى جانە ءوتۋ ەرەجەلەرى رەسمي سايتتاردا، وقۋ ورىندارىنىڭ اقپاراتتىق جۇيەلەرىندە قولجەتىمدى.